Suriya: చిక్కుల్లో పడ్డ ‘కంగువా’ నిర్మాత.. ఏమైందంటే?

సూర్య (Suriya) నిర్మాత చిక్కుల్లో పడ్డారు అనే వార్త ఇప్పుడు సంచలనం రేపుతోంది. వివరాల్లోకి వెళితే.. సూర్య హీరోగా తెరకెక్కుతున్న ‘కంగువా’ (Kanguva) చిత్ర నిర్మాతల్లో కె.ఇ. జ్ఞానవేల్ రాజా (K. E. Gnanavel Raja) ఒకరు. తాజాగా ఆయన పై అలాగే , ఆయన భార్య నేహాపై చెన్నైలోని మాంబళం పోలీస్ స్టేషన్ లో కేసు నమోదయ్యింది. మరిన్ని వివరాల్లోకి వెళితే..జ్ఞానవేల్ రాజా, నేహా..ల ఇల్లు త్యాగరాయ నగర్ పరిసర ప్రాంతాల్లో ఉంది. వీరి ఇంట్లో లక్ష్మి అనే మహిళ పనిమనిషిగా చేస్తుంది.

కొద్దిరోజుల క్రితం జ్ఞానవేల్ ఇంట్లో నగలు చోరీకి గురయ్యాయట. ఈ క్రమంలో నేహా పనిమనిషి లక్ష్మి పై అనుమానపడింది. మరుసటి రోజు ఆమె పనికి కూడా వెళ్లలేదట. కొంతసేపటి తర్వాత లక్ష్మి ఫోన్ స్విచ్చాఫ్ అని కూడా వచ్చిందట. దీంతో కంగారు పెరిగి జ్ఞానవేల్ కి నేహ ఈ విషయం చెప్పడంతో అతను.. లక్ష్మీ పై పోలీస్ కంప్లైంట్ ఇచ్చారట.దీంతో ఆ మరుసటి రోజు లక్ష్మీ సూసైడ్ అటెంప్ట్ చేసిందట. అదే టైంలో లక్ష్మీ కూతురు..

నిర్మాత జ్ఞానవేల్ రాజా, ఆయన భార్య నేహా అని పై పోలీస్ కంప్లైంట్ ఇచ్చింది. ‘జ్ఞానవేల్ రాజా భార్య నేహ ఆ నగలు ఎక్కడో పెట్టి మర్చిపోయి తన తల్లిపై తప్పుడు కేసు పెట్టారని’ ఆరోపిస్తూ లక్ష్మీ కూతురు పోలీస్ కంప్లైంట్ ఇచ్చినట్లు తెలుస్తుంది. అంతేకాదు జ్ఞానవేల్ రాజా,నేహ..ల తప్పుడు కేసు వల్లే ఆమె తల్లి ఆత్మహత్యాయత్నం చేసినట్లు .. లక్ష్మీ కూతురు కంప్లైంట్లో పేర్కొందట.