స్టార్ హీరోయిన్ తమన్నాతో దర్శకుడు అనిల్ రావిపూడికి పెద్ద గొడవ జరిగింది. కానీ ఆ విషయాన్ని అనిల్ పెద్దగా పట్టించుకున్నట్లులేరు. తమన్నాకు తనకు మధ్య సెట్స్ జరిగిన గొడవ చిన్నదేనని.. ఆ గొడవ జరిగిన రెండు రోజులకు అంతా సర్దుకుందని అన్నారు. ఈ మేరకు మీడియాలో వచ్చిన కథనాలను కూడా కొట్టిపారేశారు. ‘ఎఫ్3 సినిమా ప్రమోషన్స్ కి తమన్నా వస్తుందని కూడా చెప్పారు. కానీ తమన్నా ‘ఎఫ్3’ వైపు కన్నెత్తి చూడలేదు.
సినిమా విడుదలై చాలా రోజులైనా.. చిత్రబృందం తమ ప్రచారం మాత్రం ఆపలేదు. ఏదోక రూపంలో ప్రమోషన్ చేస్తూనే ఉంది. రీసెంట్ గా కూడా ఓ ఈవెంట్ నిర్వహించారు. కనీసం ఆ కార్యక్రమానికైనా.. మిల్కీ బ్యూటీ వస్తుందని అందరూ అనుకున్నారు. కానీ తమన్నా మాత్రం రాలేదు. అయినా.. ఇప్పుడు తమన్నా ప్రచారానికి వచ్చినా.. రాకపోయినా పెద్దగా కలిసొచ్చేదేమీ లేదు. కానీ అనీల్ రావిపూడి, తమన్నా మధ్య సంబంధాలపై మాత్రం పెద్ద చర్చ జరుగుతోంది.
అనీల్-తమన్నా మధ్య అభిప్రాయబేధాలు ఇంకా సద్దుమణగలేదంటూ సోషల్ మీడియాలో చర్చ మొదలయింది. తమన్నా ప్రమోషన్స్ కి వస్తుందని.. అనీల్ రావిపూడి బహిరంగంగా ప్రకటించినా.. ఆమె మాత్రం రాలేదంటే గొడవ పెద్దదే అయి ఉంటుందని మాట్లాడుకుంటున్నారు. మరోపక్క రీసెంట్ గా అమెరికా నుంచి తిరిగొచ్చిన దిల్ రాజు కూడా తమన్నా కోసం ప్రయత్నించారని..
కానీ ఫలితం దక్కలేదని అంటున్నారు. చూస్తుంటే అనిల్ రావిపూడి తన నెక్స్ట్ సినిమాల్లో తమన్నాను రిపీట్ చేసే ఛాన్స్ లేదనిపిస్తుంది. ప్రస్తుతం తమన్నా.. చిరంజీవితో కలిసి ‘భోళాశంకర్’ అనే సినిమాలో నటిస్తోంది. అలానే ఆమె చేతిలో కొన్ని వెబ్ సిరీస్ లు కూడా ఉన్నాయి.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
Home