మెగాహీరో వరుణ్ తేజ్ హీరోగా నూతన దర్శకుడు కిరానా దర్శకత్వంలో అల్లు బాబీ, సిద్దు కలిసి నిర్మిస్తోన్న సినిమా ‘గని’. అయితే ఈ సినిమా మొదలుపెట్టినప్పటి నుండి షూటింగ్ సవ్యంగా జరగడం లేదు. వారం రోజులు షూటింగ్ చేస్తే పదిరోజులు గ్యాప్ తీసుకుంటున్నారు. దీనికి కారణంగానే సినిమా మొదలై చాలా కాలం అవుతున్నా ఇంకా షూటింగ్ పూర్తి కాలేదు. రీసెంట్ గా ఈ సినిమా వ్యవహారం మరింత ముదిరినట్లు టాక్.
ఈ సినిమాకి నిర్మాతలుగా అల్లు అరవింద్ కొడుకు బాబీ, ఆయన స్నేహితుడు సిద్ధు వ్యవహరిస్తున్నారు. నిర్మాతలిద్దరూ స్నేహితులే అయినప్పటికీ ఈ మధ్య వారికి అంతగా పొసగడం లేదని సమాచారం. పైగా హీరో కథ విషయంలో అంత సంతృప్తిగా లేకపోవడం.. తరచూ మార్పులు చేర్పులు చేయిస్తుండడంతో.. దర్శకుడు కూడా ఇక తన వల్ల కాదని, ఇలా అయితే సినిమా చేయలేనని చెప్పినట్లు ఇండస్ట్రీలో గుసగుసలు వినిపిస్తున్నాయి. తరచూ మార్పులు చెబుతుంటే చేయడం కష్టమని చెప్పనట్లు సమాచారం.
ఇదిలా ఉండగా.. హీరో సూచన మేరకు యాభై లక్షల భారీ సెట్ వేశారు. కానీ దాన్ని షూట్ చేయకుండానే తీసేయాల్సి వచ్చింది. ఈ విషయంలో నిర్మాతల మధ్య భిన్నాభిప్రాయాలు వచ్చాయని తెలుస్తోంది. ఈ వివాదంపై దర్శకుడు కిరణ్ ను ప్రశ్నించగా .. హీరోకి చేయి ఇబ్బంది పెట్టడం వలన సెట్ లో షూట్ చేయకుండానే తీసేయాల్సి వచ్చిందని అన్నారు. ఇంతలో కోవిడ్ కారణంగా షూటింగ్ ఆగిందని చెప్పారు. కాస్త టాకీ పార్ట్, కొన్ని యాక్షన్ సీన్లు మినహా షూటింగ్ దాదాపు పూర్తయిందని చెప్పారు.
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
