గత శుక్రవారం విడుదలైన “సూర్యకాంతం” సినిమాకి ఆశించిన స్థాయిలో రివ్యూలు రాలేదు. కానీ.. రివ్యూస్ తో సంబంధం లేకుండా మంచి కలెక్షన్స్ మాత్రం దక్కించుకొంటోంది “సూర్యకాంతం” చిత్రం. ముఖ్యంగా దర్శకుడు ప్రణీత్ బ్రహ్మాండపల్లిపై ప్రశంసల వర్షం కురిపిస్తున్నారు ఇండస్ట్రీలోని యువ హీరోలు మరియు దర్శకులు. తక్కువ బడ్జెట్ లో క్వాలిటీ సినిమా తీయడమే కాకుండా రెగ్యులర్ ఫార్మాట్ సినిమాలకు దూరంగా డిఫరెంట్ స్క్రిప్ట్ & క్లైమాక్స్ తో జనాలను ఎంటర్ టైన్ చేయడం అనేది ప్రణీత్ కు ప్లస్ పాయింట్ అయ్యింది.
ఈ సినిమాను ఇటీవల స్పెషల్ షోస్ ద్వారా చూసిన ఇండస్ట్రీ పెద్దలతోపాటు.. కొందరు యువ హీరోలు కూడా దర్శకుడు ప్రణీత్ కి ఫోన్ చేసి విష్ చేయడమే కాక.. ఏమైనా స్క్రిప్ట్స్ ఉంటే కూడా చెప్పమని అడుగుతున్నారట. పాపం “లక్ష్మీస్ ఎన్టీఆర్” రచ్చ వల్ల సరైన ఓపెనింగ్స్ రాకపోవడంతో డల్ అయిన ప్రణీత్ ఇప్పుడు కలెక్షన్స్ పెరగడమే కాక తనకు మంచి పేరు కూడా వస్తుండడంతో సంతోషంతో ఉబ్బితబ్బిబవుతున్నాడు. మరి ప్రణీత్ నెక్ట్స్ సినిమా ఏంటనేది తెలియాలంటే కొన్నాళ్లు ఆగాల్సిందే.
