David Warner, Ram Charan: హిట్‌ సీన్‌ చేసుకుంటే బాగుండేదిగా డేవిడ్‌ భాయ్‌!

ఐపీఎల్‌లో డేవిడ్‌ వార్నర్‌ సన్‌ రైజర్స్‌ హైదరాబాద్‌కు కెప్టెన్‌ అయ్యాక… తెలుగువారికి బాగా దగ్గరైపోయాడు. సోషల్‌ మీడియాను ఉపయోగించుకుంటూ… తెలుగు హీరోలను ఇమిటేట్‌ చేస్తూ వచ్చాడు. టిక్‌ టాక్‌ ఉన్నప్పుడు మంచి దూకుడు చూపించిన డేవిడ్‌ భాయ్‌… అది ఇండియాలో బ్యాన్‌ అయ్యాక మిగిలిన సోషల్‌ మీడియాలోకి వచ్చాడు. అక్కడ కూడా తెలుగు హీరోల పాటలకు స్టెప్పులేస్తూ అలరిస్తున్నాడు. అలా తాజాగా రామ్‌చరణ్‌ వీడియోను రీమేక్‌ చేశాడు. రామ్‌చరణ్‌ సినిమాల్లో డిజాస్టర్ల లిస్ట్‌ రాయమంటే…

ఫస్ట్‌లో రాయాల్సిన సినిమా ‘వినయ విధేయ రామా’. ఆ సినిమాలోని యాక్షన్‌ సీన్స్‌ను ఫేస్‌మార్ఫ్‌ చేసి తన ముఖం తగిలించి ఇన్‌స్టాగ్రామ్‌లో షేర్‌ చేశాడు డేవిడ్‌ వార్నర్‌. ఏదైనా హిట్‌ సినిమా సీన్‌ను ఇలా చేసుకుంటే… చరణ్‌ అభిమానులు ఆనందించేవారు. అంతేకానీ కలలో కూడా ఊహించడానికి భయపడే ఆ సినిమా సీన్‌ను రీమేక్‌ చేయడం ఎందుకు అంటూ అభిమానులు కామెంట్‌ చేస్తున్నారు. అయితే వార్నర్‌ తెలిసి చేశాడో, తెలియక చేశాడో కానీ… ఆ పోస్టులో రానా, ప్రభాస్‌ పేరును ట్యాగ్‌ చేశాడు.

అంతేకాదు ‘ఈ సినిమా ఏంటి?’ అంటూ ప్రభాస్‌ను అడిగాడు వార్నర్‌. దీంతోపాటు ‘ఈ లెజెండ్‌ ఎవరు?’ అంటూ రానాను అడుగుతున్నాడు. అసలు వార్నర్‌ ఏం చెప్పాలనుకున్నాడనేది జనాలకు అర్థం కావడం లేదు. ఆ వీడియో ఎవరిదో తెలియక అడిగాడా? లేక ఇంకేదైనా కారణం ఉందా అనేది తెలియడం లేదు.

Most Recommended Video

విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!