బాలీవుడ్ స్టార్ హీరోయిన్ దీపికా పదుకోన్ మరో హాలీవుడ్ ఫిల్మ్ లో కనిపించబోతుంది. ఎస్ టి ఎక్స్ ఫిలిమ్స్(STXFilms) తెరకెక్కించనున్న రొమాంటిక్ కామెడీ కథలో దీపికా నటించబోతుంది. ఈ సినిమాలో నటించడంతో పాటు నిర్మాణంలో కూడా భాగస్వామ్యం కానుంది. గతంలో ఈ బ్యూటీ విన్ డీజిల్ నటించిన xXx: The Return of Xander Cage అనే హాలీవుడ్ సినిమాలో నటించింది. 2017లో విడుదలైన ఈ సినిమా హాలీవుడ్ లో దీపికాకు మంచి గుర్తింపు తీసుకొచ్చింది.
అందుకే ఇప్పుడు మరో హాలీవుడ్ సినిమాకి సైన్ చేసింది. అయితే ఈ సినిమాను ఎవరు డైరెక్ట్ చేయబోతున్నారు..? ఇందులో ఎవరెవరు నటించబోతున్నారనే విషయంలో ఇంకా క్లారిటీ రాలేదు. త్వరలోనే ఈ సినిమాకి సంబంధించిన మరిన్ని విషయాలు తెలియనున్నాయి. పెళ్లి తరువాత దీపికా తన జోరు తగ్గిస్తుందని అనుకున్నారు కానీ అలా జరగలేదు. నటిగా, నిర్మాతగా ఆమె మరిన్ని సినిమాలు చేస్తుంది. ఇప్పటికే ఆమె నటించిన ’83’ సినిమా విడుదలకు సిద్ధంగా ఉంది.
ప్రస్తుతం షారుఖ్ ఖాన్ సరసన ‘పఠాన్’ సినిమాలో నటిస్తోంది. అలానే తన భర్త రణవీర్ సింగ్ ప్రధాన పాత్రలో నటిస్తోన్న ‘సర్కస్’ సినిమాలో క్యామియో రోల్ పోషించనుంది. వీటితో పాటు ప్రభాస్ హీరోగా నాగశ్విన్ తెరకెక్కించనున్న పాన్ ఇండియా సినిమాలో దీపికా హీరోయిన్ గా నటించనుంది.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
Home