బాలీవుడ్లో స్టార్ హీరోయిన్గా వెలుగొందుతున్నా… సౌత్ నుండి సినిమా కెరీర్ స్టార్ చేసిన భామ దీపికా పడుకొణె(Deepika Padukone). త్వరలో ప్రభాస్ (Prabhas) – నాగ్ అశ్విన్ (Nag Ashwin) ‘కల్కి 2898 ఏడీ’ (Kalki 2898 AD) సినిమాతో ప్రేక్షకుల ముందుకు రానున్నఈ పొడుగు కాళ్ల సుందని ఎప్పుడో చాలా ఏళ్ల క్రితమే కన్నడ నాట కెరీర్ను స్టార్ట్ చేసింది. అంతేకాదు అన్నీ అనుకున్నట్లుగా జరిగితే ఇప్పటికే ఆమె తెలుగు సినిమా రిలీజ్ కూడా అయిపోయేది. జయంత్ సి.పరాన్జీ (Jayanth C. Paranjee) దర్శకత్వంలో ఓ సినిమా షూటింగ్ ప్రారంభించుకుంది. సినిమా పూర్తయింది అంటారు కూడా. అయితే రిలీజ్ మాత్రం అవ్వలేదు.
దీపికా పడుకొణె కొన్నాళ్ల క్రితం ఓ తెలుగు సినిమా ఓకే చేసింది. ‘ప్రేమించుకుందాం రా’, ‘బావగారూ బాగున్నారా’(Bavagaru Bagunnara), ‘శంకర్దాదా ఎంబీబీఎస్’ (Shankar Dada M.B.B.S) తదితర చిత్రాలను తెరకెక్కించిన జయంత్ సి. పరాన్జీ దర్శకత్వంలో రణ్దీప్, మృదుల జంటగా ‘లవ్ 4 ఎవర్’ అనే సినిమాను తెరకెక్కించారు. ఆ సినిమాలో దీపిక ఐటెమ్ సాంగ్ చేసింది. అయితే ఆ సినిమా ఇప్పటివరకు రిలీజ్ కాలేదు. ఒకవేళ ఆ సినిమా వచ్చుంటే ఈ పాటికి దీపిక టాలీవుడ్ ఎంట్రీ జరిగి ఓ ఆరేడేళ్లు అయిపోయేది. అయితే హీరోయిన్ ఎంట్రీ కాదనుకోండి.
ఇక పైన చెప్పినట్లు దీపిక తొలి సినిమా కన్నడలో రూపొందినేదే. నాగార్జున (Nagarjuna) ‘మన్మథుడు’ రీమేక్ ‘ఐశ్వర్య’లో దీపికనే హీరోయిన్. 2006లో వచ్చిన ఈ సినిమా అక్కడ మంచి విజయాన్నే అందుకుంది. ఆ సినిమా తర్వాత 2007లో ‘ఓం శాంతి ఓం’ సినిమాతో బాలీవుడ్ ఎంట్రీ ఇచ్చింది. అక్కడ వరుస విజయాలు, ఛాన్స్లతో హాలీవుడ్ సినిమాలో కూడా నటించింది. సాధారణ బాలీవుడ్ హీరోయిన్గా తెలుగులోకి రావాల్సిన ఆమె… ఇప్పుడు గ్లోబల్ స్టార్ అయి వచ్చిందన్నమాట.
ఇక ‘కల్కి 2898 ఏడీ’ సినిమా సంగతికొస్తే ప్రభాస్ హీరోగా నాగ్ అశ్విన్ దర్శకత్వంలో రూపొందుతున్న ఈ సినిమాలో అమితాబ్ బచ్చన్ (Amitabh Bachchan), కమల్ హాసన్ (Kamal Haasan) , దిశా పటానీ తదితరులు ఇతర ముఖ్య పాత్రలు పోషిస్తున్నారు. తమకు స్పెషల్ డేట్ అయిన మే 9న సినిమాను రిలీజ్ చేస్తామని వైజయంతి మూవీస్ అంటోంది.
రజాకర్ సినిమా రివ్యూ & రేటింగ్!
లంబసింగి సినిమా రివ్యూ & రేటింగ్!
సేవ్ ది టైగర్స్: సీజన్ 2 వెబ్ సిరీస్ రివ్యూ & రేటింగ్!
