యంగ్ టైగర్ జూనియర్ ఎన్టీఆర్ (Jr NTR) కొరటాల శివ (Koratala Shiva) కాంబినేషన్ లో తెరకెక్కుతున్న దేవర (Devara) మూవీ థియేటర్లలో రిలీజ్ కావడానికి ఐదున్నర నెలల సమయం ఉంది. ఇప్పటికే దేవర నాన్ థియేట్రికల్ హక్కులు, ఓవర్సీస్ హక్కులు అమ్ముడవగా ఈ సినిమా తెలుగు రాష్ట్రాల హక్కులు 130 కోట్ల రూపాయలకు విక్రయించనున్నారని తెలుస్తోంది. ఇతర పాన్ ఇండియా సినిమాల రైట్స్ తో పోలిస్తే ఈ మొత్తం తక్కువేనని చెప్పవచ్చు. అయితే కొరటాల శివ గత సినిమా ఆచార్య నిరాశపరిచిన నేపథ్యంలో మరీ భారీ మొత్తానికి హక్కులను విక్రయించడం సరికాదని దేవర నిర్మాతలు భావిస్తున్నట్టు తెలుస్తోంది.
తమ సినిమా హక్కులను మరీ భారీ మొత్తానికి విక్రయించి డిస్ట్రిబ్యూటర్లు నష్టపోవడం సరి కాదని దేవర మేకర్స్ ఫీలయ్యారని సమాచారం అందుతోంది. 130 కోట్ల రూపాయలు అంటే ప్రస్తుతం ఎన్టీఆర్ క్రేజ్ కు ఎక్కువ మొత్తం కాదు. ప్రపంచవ్యాప్తంగా 200 కోట్ల రూపాయల రేంజ్ లో దేవర థియేట్రికల్ రైట్స్ అమ్ముడయ్యే ఛాన్స్ ఉంది. దేవర నైజాం హక్కులు మైత్రీ నిర్మాతలు సొంతం చేసుకునే ఛాన్స్ అయితే ఉంటుందని తెలుస్తోంది.
మైత్రీ నిర్మాతలు కొరటాల శివకు అత్యంత సన్నిహితులు అనే సంగతి తెలిసిందే. దేవర సినిమా బిజినెస్ విషయంలో ఈ సినిమా నిర్మాతలు సంతోషంగానే ఉన్నారని సమాచారం అందుతోంది. దసరా పండుగ కానుకగా ఈ సినిమా విడుదల కానుండగా ఈ సినిమాకు పోటీగా రిలీజయ్యే సినిమాల గురించి క్లారిటీ రావాల్సి ఉంది.
జూనియర్ ఎన్టీఆర్ కు సోలో హీరోగా ఈ సినిమా సక్సెస్ సాధించడం కీలకం కాగా ఈ సినిమా ఫలితం ఆధారంగా జాన్వీ కపూర్ (Janhvi Kapoor) కెరీర్ డిసైడ్ అవుతుందని నెటిజన్ల నుంచి కామెంట్స్ వినిపిస్తున్నాయి. కొరటాల శివ ఈ సినిమాతో కెరీర్ బిగ్గెస్ట్ హిట్ అందుకుంటానని కాన్ఫిడెన్స్ తో ఉన్నారు.
