‘దేవర’ (Devara) ట్రైలర్ నిన్న బయటకు వచ్చింది. దీన్ని చూసిన అభిమానులు, కొంతమంది కామన్ ఆడియన్స్ కొంత డిజప్పాయింట్ అయ్యారు అనే చెప్పాలి. ట్రైలర్ ద్వారా కొంత కథ చెప్పి.. ప్రేక్షకులను ప్రిపేర్ చేసి ఉంచాలనో ఏమో కానీ, ఫ్యాన్స్ కోరుకున్న ‘హై’ మూమెంట్స్ అయితే ఇందులో మిస్ అయ్యాయి. అలాగే సీజీ వర్క్, బ్యాక్ గ్రౌండ్ స్కోర్ కూడా నిరాశపరిచినట్టు అంతా చెబుతున్నారు. అన్నీ ఎలా ఉన్నా.. ట్రైలర్ చివర్లో ఒక షాట్ ఉంది.
అందులో సొరచేపపై ఎన్టీఆర్ కూర్చోవడం.. తర్వాత అది పైకి ఎగరడం ఎన్టీఆర్.. ప్రత్యర్థులపై దూకడం.. వంటి వాటిని గమనించవచ్చు. ఈ షాట్ గురించి కొంతమంది నెగిటివ్ కామెంట్స్ చేస్తున్నారు. మరికొంతమంది ‘ఇది గూజ్ బంప్స్ మూమెంట్’ అంటూ కామెంట్లు చేస్తున్నారు. ఏది ఎలా ఉన్నా ఈ సొర చేప షాట్ కోసం టీం చాలా కష్టపడింది. దీని వెనుక పెద్ద కథ కూడా ఉంది. అదేంటో ఇప్పుడు తెలుసుకుందాం పదండి
వివరాల్లోకి వెళితే..’దేవర’ (Devara) ట్రైలర్ చివర్లో వచ్చే సొర చేప షాట్ కోసం.. ఎన్టీఆర్ (Jr NTR) ఒకటిన్నర రోజు.. పాటు అండర్ వాటర్లో ఉన్నాడట. అవును ఈ ఒక్క షాట్ ని దాదాపు రెండు రోజుల పాటు చిత్రీకరించారట. ‘ఆర్.ఆర్.ఆర్’ (RRR) సినిమాలో యాక్షన్ బ్లాక్స్ కోసం పనిచేసిన సాల్మన్.. ఈ సీక్వెన్స్ ని చిత్రీకరించినట్టు సమాచారం.
అంతేకాదు.. ‘దేవర’ని (Devara) (మొదటి భాగం) దాదాపు 100 రోజుల పాటు అండర్ వాటర్లో చిత్రీకరించారట. దీనికోసమే నిర్మాతలు భారీగా ఖర్చు చేసినట్లు తెలుస్తుంది. థియేటర్లలో సినిమా చూసే ప్రేక్షకులు ‘అండర్ వాటర్’ సీక్వెన్స్ ఎపిసోడ్స్ ను బాగా ఎంజాయ్ చేస్తారని ఇన్సైడ్ టాక్. ఇక సెప్టెంబర్ 27న ‘దేవర’ విడుదల కాబోతోంది.
