ప్రతి ఇండస్ట్రీలో బయోపిక్ ల ట్రెండ్ నడుస్తోంది. ఇప్పటికే తెలుగు, తమిళ, హిందీ భాషల్లో పలు బయోపిక్ లను తెరకెక్కించారు. ఇప్పుడు మరో క్రేజీ బయోపిక్ ని తెరకెక్కించడానికి సన్నాహాలు జరుపుతున్నాయి. బస్ కండెక్టర్ గా పని చేసి ఈరోజు ఇండస్ట్రీలో సూపర్ స్టార్ గా ఎదిగిన రజినీకాంత్ స్టోరీతో సినిమా తీయబోతున్నారట. సీనియర్ దర్శకుడు లింగుస్వామి ఈ బయోపిక్ తీయడానికి ప్లాన్ చేస్తున్నాడట. గతంలో ‘రన్’, ‘పందెం కోడి’ లాంటి సినిమాలు తీసిన లింగుస్వామి చివరిగా తీసిన సినిమా ‘పందెం కోడి 2’. ఇది డిజాస్టర్ కావడంతో రెండేళ్లుగా ఖాళీగా ఉంటున్నాడు.
ఇలాంటి సమయంలో అతడు రజినీకాంత్ బయోపిక్ మీద వర్క్ చేస్తున్నాడు. స్క్రిప్ట్ చివరి దశకి వచ్చిందని సమాచారం. వ్యక్తిగా గమనిస్తే రజినీకాంత్ లో ఎన్నో ప్రత్యేకతలు కనిపిస్తాయి. మిగిలిన స్టార్ల మాదిరి కాకుండా ఆయన చాలా సింపుల్ గా ఉంటారు. బయటకి వస్తే మేకప్ వేసుకోరు. సామాన్యుడిలా గడుపుతారు. అణకువగా, సహనంగా ఉంటారు. నటుడిగా దేశవిదేశాల్లో ఆయనకి తిరుగులేని ఫాలోయింగ్ ఉంది. రజినీకాంత్ లాంటి వ్యక్తి బయోపిక్ తీస్తే… ఖచ్చితంగా సక్సెస్ అవుతుందనే నమ్మకంతో లింగుస్వామి కథ సిద్ధం చేస్తున్నాడట.
ఈ విషయంపై రజినీ కుటుంబసభ్యులతో చర్చలు కూడా జరిపినట్లు తెలుస్తోంది. రజినీ కుటుంబాన్ని సంప్రదించిన తరువాత బయోపిక్ వర్క్ మొదలుపెట్టారని టాక్. అయితే ఈ బయోపిక్ లో రజినీకాంత్ అల్లుడు ధనుష్ నటిస్తే బాగుంటుందని లింగుస్వామి భావిస్తున్నాడట. ఇప్పటికే ధనుష్ తను నటించిన కొన్ని సినిమాల్లో రజినీకాంత్ ని ఇమిటేట్ చేశాడు. ఇక మొత్తంగా తన మామలా మేకోవర్ చేసుకొని నటిస్తే సెన్సేషన్ అవుతుందని అభిమానులు కామెంట్లు చేస్తున్నారు.
Most Recommended Video
‘ఆర్.ఆర్.ఆర్’ : భీమ్ పాత్రకు రాజమౌళి ఆ పాయింటునే తీసుకున్నాడా?
‘బిగ్ బాస్’ అఖిల్ గురించి మనకు తెలియని విషయాలు..!
టాలీవుడ్లో 30 కోట్ల మార్కెట్ కలిగిన హీరోలు ఎవరో తెలుసా?
