Pawan Kalyan: ”పవన్ ఎంతసేపు ఉన్నాడనే కొలతలు కొలవలేదు”

పవన్ కళ్యాణ్ నటించిన ‘వకీల్ సాబ్’ సినిమా రేపే ప్రేక్షకుల ముందుకు రానుంది. అయితే ఈ సినిమాలో పవన్ ఎంతసేపు కనిపించబోతున్నాడనే విషయంపై చాలా చర్చలు జరిగాయి. ‘పింక్’ సినిమాలో అమితాబ్ రోల్ చాలా తక్కువగా ఉంటుంది. దానికి రీమేక్ గా వస్తోన్న ‘వకీల్ సాబ్’లో కూడా పవన్ రోల్ అంతే ఉంటుందా..? అనే విషయంపై ఊహాగానాలు చెలరేగాయి. సినిమాలో పవన్ గంటకు మించి కనిపించరని వార్తలొచ్చాయి. సినిమా మొదలైన అరగంట వరకు పవన్ ఎంట్రీ ఉండదని ఇలా చాలా మాటలు వినిపిస్తున్నాయి.

ఫైనల్ గా ఈ విషయంపై నిర్మాత దిల్ రాజు క్లారిటీ ఇచ్చారు. సినిమాలో పవన్ ఎంతసేపు ఉన్నాడనే కొలతలు కొలవలేదని అన్నారు. కానీ కథ మొదలవ్వాలి కాబట్టి మూడు లీడ్ రోల్స్ ముందుగా వస్తాయని.. ఆ తరువాత పదిహేను నిమిషాలకు పవన్ కళ్యాణ్ ఎంట్రీ ఉంటుందని.. అక్కడ నుండి కథ ప్రకారం మధ్యమధ్యలో హీరో వస్తూ ఉంటాడని అన్నారు. ఇలా పవన్ కళ్యాణ్ ఎంట్రీపై క్లారిటీ ఇచ్చిన దిల్ రాజు.. సినిమా మొత్తంలో పవన్ కళ్యాణ్ ఎంతసేపు కనిపిస్తాడనే విషయంపై మాత్రం సమాధానం చెప్పలేదు.

పవన్ ఎంతసేపు కనిపిస్తాడనే విషయాన్ని పక్కనపెడితే.. ఆయన ఎంట్రీ మాత్రం అదిరిపోతుందని అన్నారు. పవన్ ఎంట్రీ సీన్ కి ప్రేక్షకులెవరూ సీట్లో కూర్చోరని.. ఆ రేంజ్ లో ఉంటుందని అన్నారు. సినిమాలో ప్రతీ 15 నిమిషాలకు ఓ హై ఉంటుందని చెప్పుకొచ్చారు. వేణుశ్రీరామ్ డైరెక్ట్ చేసిన ఈ సినిమాపై ప్రేక్షకుల్లో భారీ అంచనాలు నెలకొన్నాయి.

Most Recommended Video

వైల్డ్ డాగ్ సినిమా రివ్యూ & రేటింగ్!
సుల్తాన్ సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!