Dil Raju: నాగ చైతన్య కు మాత్రమే కాదు.. ఆ హీరోలకి కూడా దిల్ రాజు హిట్ ఇవ్వలేకపోయారు..!

July 23, 2022 / 03:39 PM IST

Join Us

Dil Raju: నాగ చైతన్య కు మాత్రమే కాదు.. ఆ హీరోలకి కూడా దిల్ రాజు హిట్ ఇవ్వలేకపోయారు..!

దిల్ రాజు అంటే టాలీవుడ్లో సక్సెస్ ఫుల్ ప్రొడ్యూసర్ అనే ముద్ర ఉంది. ఆయన ‘శ్రీ వెంకటేశ్వర క్రియేషన్స్’ బ్యానర్ పై రూపొందే సినిమాలకు ఫ్యామిలీ ఆడియన్స్ లో కూడా మంచి క్రేజ్ ఉంది. దిల్ రాజు గొప్పతనం ఏంటి.. అంటే తన బ్యానర్లో తీసిన సినిమా ద్వారా ఏ బయ్యర్ అయినా నష్టపోతే ఆ బయ్యర్ కు.. నష్టపరిహారం చెల్లించి తన నెక్స్ట్ సినిమా కూడా అదే బయ్యర్ కు రీజనబుల్ ప్రైస్ కి ఆఫర్ చేస్తారు.

అందుకే ఆయన బ్యానర్ లో రూపొందే సినిమాలకు ఎక్కువ థియేటర్లు దక్కుతుంటాయి. అలాగే హీరోకి కూడా హిట్ పడకపోతే .. ఆ హీరోకి హిట్ ఇచ్చి కానీ దిల్ రాజు వదిలిపెట్టరు. ఉదాహరణకి ప్రభాస్ తో ‘మున్నా’ చేసిన దిల్ రాజు.. ఆ సినిమా ఆడలేదు అని … ‘మిస్టర్ పర్ఫెక్ట్’ రూపంలో ఓ సూపర్ హిట్ ని అందించారు. అలాగే రామ్ తో చేసిన ‘రామ రామ కృష్ణ కృష్ణ’ హిట్ అవ్వలేదు అని ‘హలో గురు ప్రేమ కోసమే’ తో మంచి హిట్ అందించారు.

అయితే దిల్ రాజు హిట్ ఇవ్వాల్సిన హీరోలు ఇంకా ఉన్నారు. ‘జోష్’ తో నాగ చైతన్య ని లాంచ్ చేసిన దిల్ రాజు.. ‘థాంక్యూ’ కూడా చేశారు. కానీ ఈ రెండు సినిమాలు ప్లాపులు అయ్యాయి. అలాగే రాజ్ తరుణ్ తో ‘లవర్’ అనే చిత్రాన్ని నిర్మించిన దిల్ రాజు.. తర్వాత ‘ఇద్దరి లోకం ఒక్కటే’ అనే సినిమాని కూడా నిర్మించారు. ఈ రెండు సినిమాలు కూడా ఆడలేదు. అలాగే సునీల్ హీరోగా ఫామ్లో ఉన్నప్పుడు ‘కృష్ణాష్టమి’ అనే చిత్రాన్ని స్టార్ట్ చేశారు.

కొన్ని కారణాల వల్ల ఈ మూవీ రిలీజ్ లేట్ అయ్యింది. కానీ ఫలితం మాత్రం సేమ్. సునీల్ కు కూడా దిల్ రాజు హిట్ ఇవ్వలేకపోయారు. ఇక నాగార్జున తొలిసారి దిల్ రాజు నిర్మాణంలో చేసిన ‘గగనం’ కూడా కమర్షియల్ ఫెయిల్యూర్ గా నిలిచింది. దిల్ రాజు సోదరుడు కొడుకు ఆశిష్ కూడా ‘రౌడీ బాయ్స్’ తో లాంచ్ అయ్యాడు. దీనికి కూడా దిల్ రాజే నిర్మాత. ఇది కూడా ప్లాప్ అయ్యింది.

‘షాదీ ముబారక్’ తో సాగర్ కూడా దిల్ రాజు నిర్మాణంలో ఓ సినిమా చేశాడు. అది కూడా ప్లాప్ అయ్యింది. సుధీర్ బాబు కూడా ‘వి’ సినిమాలో ఓ హీరోగా నటించారు. దీనికి కూడా దిల్ రాజు నిర్మాత. ఇది కూడా నిరాశపరిచింది. భవిష్యత్తులో దిల్ రాజు ఈ హీరోలతో సినిమాలు చేసి హిట్లిస్తారేమో చూడాలి.