భార్య కోసమే దిల్ రాజు స్పెషల్ పార్టీ

December 16, 2020 / 03:19 PM ISTByFilmy Focus

Join Us

టాలీవుడ్ సక్సెస్ రేటు ఎక్కువగా ఉన్న నిర్మాతలతో దిల్ రాజు ఒకరు. ఎంత పెద్ద స్టార్ హీరో అయినా కూడా దిల్ రాజు ప్రొడక్షన్ లో ఒక్క సినిమా అయినా చేయాలని అనుకుంటారు. వీలైనంత వరకు చిన్న సినిమాలతోనే వండర్స్ క్రియేట్ చేయగల సత్తా ఉన్న దర్శకుడిగా గుర్తింపు తెచ్చుకున్న ఆయన లాక్ డౌన్ లో రెండోసారి వివాహం చేసుకున్న విషయం తెలిసిందే. మొదటి భార్య అనిత 2017లో గుండెపోటుతో మరణించింది.

అయితే తండ్రి ఒంటరిగా ఉండడం ఇష్టపడని కూతురు హాన్షితా రెడ్డి పెళ్లి పెద్దగా వ్యవహరించి మరి ఒక తోడును అందించింది. దిల్ రాజు భార్య తేజస్విని వచ్చిన తరువాత చాలా మార్పులు వచ్చాయనే చెప్పాలి. నిత్యం సినిమాలతో బిజీగా ఉండే రాజు గారు పెళ్లి తరువాత కొంచెం ఫీట్నెస్ పై కూడా దృష్టి పెట్టారు. అందుకు ముఖ్య కారణం తేజస్విని. ఇక పెళ్లి వేడుకను లాక్ డౌన్ లో సింపుల్ గా చేసుకున్న దిల్ రాజు ఇప్పుడు ఒక స్పెషల్ ప్లాన్ వేసినట్లు తెలుస్తోంది.

పెళ్లి నార్మల్ రోజుల్లో జరిగి ఉంటే అగ్ర తారలు కూడా రాజు కపుల్స్ ని కలిసేవారు. ఇక అందరికి ఒకరోజు పార్టీ ఇవ్వాలని దిల్ రాజు పార్టీని ప్లాన్ చేశారట. ఈ నెల 18న దిల్ రాజు 50వ పుట్టినరోజు. ఆ రోజే రిసెప్షన్ వేడుకను కూడా నిర్వహించాలని డిసైడ్ అయినట్లు తెలుస్తోంది. ముఖ్యంగా తనకు సన్నిహితంగా ఉండే సెలబ్రేటీలకు భార్యను పరిచయం చేసినట్లు ఉంటుందని కూడా దిల్ రాజు ఈ ప్లాన్ వేస్తున్నట్లు సమాచారం.