Dil Raju: రెండేళ్లలో ఒక్క రోజు కూడా ఖాళీ ఉండదేమో

టాలీవుడ్‌లో మోస్ట్‌ బిజీయెస్ట్‌ ప్రొడ్యూసర్‌ ఎవరన్నా ఉన్నారు అంటే అది దిల్‌ రాజునేమో. ఆయన డైరీ తీసుకుంటే రోజూ ఏదో హీరోతోనే, డైరక్టర్‌తోనో, సినిమా టీమ్‌తోనో మీటింగ్‌ తప్పకుండా ఉంటుంది. అవి లేకపోతే సినిమా డిస్ట్రిబ్యూటర్లు, ప్రమోషనల్‌ టీమ్‌ పనులు ఉంటాయి. ఆయన జోరు చూస్తుంటే ఇది మరో రెండేళ్లు కొనసాగేలా కనిపిస్తుంది. కారణంగా ఆయన మొదలుపెట్టబోతున్న, మొదలుపెట్టాలనుకుంటున్న ప్రాజెక్టులే. ప్రస్తుతం దిల్‌ రాజు ప్రొడక్షన్‌లో ‘ఎఫ్‌ 3’, ‘శాకుంతలం’ నిర్మాణ పనుల్లో ఉన్నాయి. ఇవి కాకుండా చాలా రెడీ అవుతున్నాయి. కరోనా పరిస్థితులు సద్దుమణికగాక వాటిని మొదలుపెడతారు.

దిల్‌ రాజు ప్రొడక్షన్ రంగంలోకి వచ్చి 49 సినిమాలు చేశారు. 50వ సినిమాగా ఇటీవల రామ్‌చరణ్‌ – శంకర్‌ సినిమా ప్రకటించారు. త్వరలో షూటింగ్‌ మొదలవుతుంది. అల్లు అర్జున్ ‘ఐకాన్‌’ ఎప్పటి నుండో టాక్స్‌లో ఉంది. ఆ కథ కాకపోతే మరో కథ సిద్ధం చేసే పనిలో ఉన్నారు దిల్‌ రాజు. ప్రభాస్‌ 25 వ సినిమా దిల్‌ రాజు బ్యానర్‌లోనే ఉంటుందని టాక్‌. ఆ సినిమా కోసం ‘సలార్‌’ తర్వాత ప్రభాస్‌ మరోసారి ప్రశాంత్ నీల్‌తో జట్టుకట్టనున్నారు. ఇది కాకుండా పవన్‌ కల్యాణ్‌తో మరో సినిమా నిర్మించే పనిలో ఉన్నారు దిల్‌ రాజు. దానికి వంశీ పైడిపల్లి దర్శకుడని టాక్‌.

ఈ తెలుగు సినిమాలతోపాటు తమిళంలో విజయ్‌తో ఓ సినిమా ఉంటుంది. మరోవైపు ‘ఎఫ్‌ 2’ బాలీవుడ్‌కి కూడా తీసుకెళ్లబోతున్నారు. ఇదంతా చూస్తుంటే దిల్‌ రాజు ఇంత త్వరగా ఫ్రీ అయ్యేలా లేరుగా. ఈ సినిమాలు సెట్స్‌పై ఉన్నప్పుడే మరికొన్ని సినిమాలు ఓకే చేసుకునే పనిలో ఉంటారు దిల్‌ రాజు. ఆ లెక్కన రాబోయే రెండేళ్లలో ఫ్రీ అవ్వడమే కష్టమే. నిర్మాతలు ఇంత బిజీగా ఉంటే ఇండస్ట్రీ ఎప్పుడూ హ్యాపీనే కదా.

Most Recommended Video

‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!