టాలీవుడ్ లో స్టార్ ప్రొడ్యూసర్ గా దూసుకుపోతున్నారు దిల్ రాజు. ఆయన తీసే సినిమాలన్నీ బ్లాక్ బస్టర్ హిట్స్ గా నిలుస్తుంటాయి. అందుకే ఆయన జడ్జిమెంట్ ని తెగ నమ్ముతుంటారు టాలీవుడ్ స్టార్స్. అలా హిట్ మీద హిట్టు అందుకుంటూ దూసుకుపోతున్న దిల్ రాజు బాలీవుడ్ లో ఎంట్రీ ఇచ్చారు. టాలీవుడ్ లో తిరుగులేని ఆధిపత్యం చలాయిస్తోన్న దిల్ రాజుకి పాన్ ఇండియా లెవెల్ లో గుర్తింపు తెచ్చుకోవాలని కోరిక.
‘బాహుబలి’, ‘ఆర్ఆర్ఆర్’, ‘పుష్ప’ తరహాలో ఓ భారీ సినిమాతో దేశవ్యాప్తంగా తన బ్యానర్ కి హైప్ తీసుకురావాలని అనుకుంటున్నారు దిల్ రాజు. అయితే ఆ స్థాయిలో భారీ సినిమా చేయడానికంటే ముందే ఆయన బాలీవుడ్ లో ఎంట్రీ ఇవ్వాలని అనుకున్నారు. ముందుగా ‘జెర్సీ’ రీమేక్ తో అక్కడ ఎంట్రీ ఇచ్చారు కానీ.. ఆ సినిమా బాక్సాఫీస్ వద్ద బోల్తా కొట్టింది. దిల్ రాజుకి తొలిసినిమాతోనే అక్కడ చేదు అనుభవం మిగిలింది.
ఇప్పుడు ఆయన ‘హిట్’ సినిమా రీమేక్ తో మరోసారి బాలీవుడ్ లో తన అదృష్టాన్ని పరీక్షించుకుంటున్నారు. భూషణ్ కుమార్ మరో ఇద్దరు నిర్మాతలతో కలిసి ఈ సినిమాను నిర్మించారు దిల్ రాజు. ఈ సినిమాకి కూడా ‘జెర్సీ’ పోలికలు కనిపిస్తున్నాయి. ఇది కూడా తెలుగు నుంచి రీమేక్ అవుతున్న సినిమా. అలానే ఒరిజినల్ వెర్షన్ ను తీసిన దర్శకుడే రీమేక్ ను కూడా డైరెక్ట్ చేస్తున్నారు.
మరి సినిమా ఫలితం కూడా ‘జెర్సీ’ని పోలి ఉంటుందా..? లేక దిల్ రాజుకి బాలీవుడ్ లో తొలి విజయాన్ని రుచి చూపిస్తుందా..? అనేది చూడాలి. రాజ్ కుమార్ రావు, సాన్యా మల్హోత్రా జంటగా నటించిన ఈ సినిమాకి శైలేష్ కొలను డైరెక్టర్ గా వ్యవహరించారు. దీంతో పాటు ‘ఎఫ్2’ని కూడా హిందీలో రీమేక్ చేసే ప్లాన్ లో ఉన్నారు దిల్ రాజు.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
