తెలుగు సినీ ఇండస్ట్రీలో నిర్మాతగా ఎంతో మంచి గుర్తింపు సంపాదించుకున్నటువంటి దిల్ రాజు అల్లుడు అర్చిత్ రెడ్డి గురించి అందరికీ తెలిసిందే. ఈయన బలగం సినిమాకు నిర్మాతగా కూడా వ్యవహరించారు. ఇకపోతే దిల్ రాజు అల్లుడు అర్చిత్ రెడ్డి పోర్షే కారు దొంగతనానికి గురైనట్లు ఈయన జూబ్లీహిల్స్ పోలీసులకు ఫిర్యాదు చేశారు దాదాపు 1.7 కోట్లు విలువ చేసే ఈ కారును దొంగలు దొంగలించడంతో ఈయన జూబ్లీహిల్స్ పోలీసులకు ఫిర్యాదు చేశారని తెలుస్తోంది.
అర్చిత్ రెడ్డి శుక్రవారం ఉదయం జూబ్లీహిల్స్ లోని దసపల్లా హోటల్ కు వెళ్లారు. కారును హోటల్ వద్ద నిలిపి లోపలకు వెళ్లిన ఆయన తిరిగి కొంత సమయం తర్వాత కార్ పార్కింగ్ వద్దకు వెళ్ళగా అక్కడ తన కారు కనిపించకపోవడంతో ఒక్కసారిగా షాక్ అయ్యారు. దీంతో వెంటనే జూబ్లీహిల్స్ పోలీసులకు ఫిర్యాదు చేయక ఫిర్యాదు అందుకున్నటువంటి పోలీసులు వెంటనే సీసీటీవీ పుటేజ్ ఆధారంగా కారును వెతకడం ప్రారంభించారు.
ఈ క్రమంలోనే పోలీసులు కారును గుర్తించి నిందితుడిని అదుపులోకి తీసుకున్నారు. అయితే ఈ కారు దొంగలించినటువంటి వ్యక్తి ఎవరు అని పోలీసులు విచారణ చేయగా షాకింగ్ విషయాలు వెలుగులోకి వచ్చాయి ఈ కారును దొంగలించినది అంబానీ కుమారుడు ఆకాష్ అంబానీ పిఏ అంటూ చెప్పడంతో ఒక్కసారిగా పోలీసులు కంగు తిన్నారు. మంత్రి కేటీఆర్ కారు తీసుకెళ్లారని చెప్పారని.. దీంతో తన అసిస్టెంట్ హ్రతిక్ రోషన్ తో కలిసి కారును అకాశ్ అంబానీ వద్దకు తీసుకెళుతున్నట్లు చెప్పారు.
ఇలా పొంతన లేకుండా సమాధానాలు చెప్పడంతో నిందితుడు గురించి పోలీసులు ఆరా తీయగా ఆయన మన్సూరాబాద్ కు చెందిన సాయి కిరణ్ గా గుర్తించారు. గడిచిన కొద్ది కాలంగా మతిస్థిమితం లేదని.. బ్రైట్ లైఫ్ ఫౌండేషన్ లో చికిత్స పొందుతున్నట్లుగా గుర్తించారు. ఈ మొత్తం ఉదంతం గురించి సాయికిరణ్ తల్లిదండ్రులకు సమాచారం ఇచ్చి అనంతరం పోలీసులు తనని కస్టడీలోకి తీసుకున్నారు.
గత 10 సినిమాల నుండి రామ్ బాక్సాఫీస్ పెర్ఫార్మన్స్ ఎలా ఉందంటే..?
‘బిగ్ బాస్ 7’ కంటెస్టెంట్ శుభ శ్రీ గురించి ఈ 14 విషయాలు మీకు తెలుసా?
‘బిగ్ బాస్ 7’ కంటెస్టెంట్ టేస్టీ తేజ గురించి 10 ఆసక్తికర విషయాలు
