పవన్ కల్యాణ్ గారు అవకాశం ఇస్తే.. మేజిక్ చేస్తా : అనిల్ రావిపూడి..!

తాజాగా ‘ఎఫ్2’ చిత్రంతో బ్లాక్ బస్టర్ హిట్ కొట్టాడు దర్శకుడు అనిల్ రావిపూడి. సంక్రాంతి కానుకగా దిల్ రాజు నిర్మాణంలో వచ్చిన ఈ చిత్రం దాదాపు 100 కోట్ల గ్రాస్ ను కొల్లగొట్టి.. దూసుకుపోతుంది. అంతే కాదు.. జనవరి 26 నుండీ మరో 5 సన్నివేశాల్ని జత చేయబోతున్నట్టు చిత్ర యూనిట్ తెలిపింది. ఇక ఈ చిత్రం భారీ విజయం సాధించడంతో… స్టార్ డైరెక్టర్ల లిస్టులో చేరిపోయాడు అనిల్ రావిపూడి. అటు మాస్ ఆడియన్స్ ను .. ఇటు ఫ్యామిలీ ఆడియన్స్ ను ఆకట్టుకునే సినిమాలు చేస్తూ, దర్శకుడిగా అనిల్ రావిపూడి తన సత్తా చాటుకుంటున్నాడు.

• ‘మిస్టర్ మజ్ను’ రివ్యూ కోసం ఇక్కడ క్లిక్ చేయండి..!
• వినయ విధేయ రామ రివ్యూ కోసం ఇక్కడ క్లిక్ చేయండి
• ఎఫ్ 2 రివ్యూ కోసం ఇక్కడ క్లిక్ చేయండి
• ‘ఎన్టీఆర్ -కథానాయకుడు’ రివ్యూ కోసం ఇక్కడ క్లిక్ చేయండి

తాజాగా ‘ఎఫ్2’ సక్సెస్ ప్రమోషన్లలో భాగంగా… అనిల్ రావిపూడికి ఓ ఆసక్తికరమైన ప్రశ్న ఎదురయ్యింది. అదేంటంటే… ‘గబ్బర్ సింగ్’లో పవన్ కల్యాణ్ ను హరీశ్ శంకర్ ఓ రేంజ్ లో చూపించాడు. మళ్ళీ పవన్ ను ఆ రేంజ్ లో చూపించే సత్తా మీకే ఉందనిపిస్తోంది .. మరి మీకేమనిపిస్తుంది?’ అనే ప్రశ్నకి అనిల్ బదులిస్తూ… “నా పట్ల మీకున్న నమ్మకానికి థ్యాంక్స్ .. నేను ఇంతవరకూ పవన్ కల్యాణ్ గారిని ఎప్పుడూ కలవలేదు .. అలాంటి అవకాశం కూడా రాలేదు. నిజంగా మీరన్నట్టు… ఆయనతో సినిమా చేసే ఛాన్స్ వస్తే మాత్రం వదులుకోను. నన్ను నేను నిరూపించుకునేలా మేజిక్ చేయడానికి రెడీగా వున్నాను” అంటూ ఆసక్తికరమైన సమాధానమిచ్చాడు. అనిల్ రావిపూడి ఇలా చెప్పడంతో ఆ అవకాశం త్వరగా వస్తే బాగుణ్ణు.. అంటూ పవన్ ఫ్యాన్స్ సోషల్ మీడియాలో కామెంట్లు పెడుతున్నారు.