ఇది నయన తార వదిలేసిన సినిమానేనట?

ప్రస్తుతం దక్షిణాదిలో అగ్ర కథానాయికగా ఎదిగింది నయనతార. ముఖ్యంగా తమిళ్ లో ఈ కుర్ర హీరోయిన్ల పోటీని తట్టుకుని మరీ రాణిస్తుంది. దర్శక నిర్మాతలు సైతం ఈమెతో లేడీ ఓరియెంటెడ్ సినిమాలు చేయడానికి ఎగబడుతున్నారు. లేడీ ఓరియెంటెడ్ కథంటే ముందుగా నయన్ నే అడుగుతున్నారు. ఇదే సేఫ్ గేమ్ గా భావిస్తున్నారు వారంతా. ఇక స్టార్ హీరోల చిత్రాలలో ఈమె హీరోయిన్ గా నటిస్తే ఆ చిత్రానికి మరింత క్రేజ్ ఏర్పడుతుంది అనడంలో సందేహం లేదు. అయితే ఇటీవల విడుదలైన ‘గేమ్ ఓవర్’ చిత్రం సూపర్ హిట్ టాక్ ను సొంతం చేసుకుంది. ఈ చిత్రం కూడా నయన్ వదిలేసిన కథేంట.

• గేమ్ ఓవర్ సినిమా రివ్యూ కోసం ఇక్కడ క్లిక్ చెయ్యండి
• వజ్ర కవచధర గోవింద సినిమా రివ్యూ కోసం ఇక్కడ క్లిక్ చెయ్యండి

వివరాల్లోకి వెళితే.. తాప్సి ప్రధాన పాత్రలో నటించిన ‘గేమ్ ఓవర్’ చిత్రం మొదట నయన తార దగ్గరకే వెళ్ళిందట. తెలుగు తమిళ భాషల్లో నయన్ తో ఈ చిత్రాన్ని రూపొందించాలని దర్శక నిర్మాతలు అనుకున్నారట. నయనతార రెమ్యునరేషన్ మినహా ఏడు కోట్లలో సినిమాని పూర్తి చేయాలని భావించారట. ఒకట్రెండు రోజులు షూటింగ్ కూడా చేశారట. కానీ కథ విషయంలో ఓ గొడవ వచ్చిందట. ఈ లైన్ ఓ హాలీవుడ్ సినిమా నుండి తీసుకోవడంతో ఆ రచయితకి, చిత్రబృందానికి విబేధాలు తలెత్తడం వలన షూటింగ్ ఆగిపోయిందని సమాచారం. ఇప్పుడు ఇదే కథే తాప్సీ దగ్గరకి వెళ్ళిందట. కథలో కొన్ని కీలక మార్పులు చేసి ఈ చిత్రాన్ని తెరకెక్కించారు. అయితే తాప్సి స్థానంలో నయన్ ఈ చితం చేసి ఉంటే ఇంకెలా ఉండేదో అంటూ కోలీవుడ్ లో డిస్కస్ చేసుకుంటున్నారు. అయితే తాప్సి కూడా అద్భుత నటన ప్రదర్శించిందనడంలో సందేహం లేదు.