మెగా పవర్ స్టార్ రామ్ చరణ్ (Ram Charan) , ‘ఉప్పెన’ (Uppena) దర్శకుడు బుచ్చిబాబు సానా (Buchi Babu Sana) కాంబినేషన్‌లో రూపొందుతున్న భారీ ప్రాజెక్ట్‌ ‘RC16’ షూటింగ్ ప్రారంభం అయ్యింది. ‘గేమ్‌ ఛేంజర్‌’ (Game changer) విడుదల తరువాత చరణ్ ఈ సినిమాలో నటిస్తారనే ఆసక్తి ప్రేక్షకుల మధ్య నెలకొంది. ఈ సినిమా ఒక స్పోర్ట్స్‌ డ్రామాగా ఉండబోతుందని, చరణ్ ఒక బాడీ బిల్డర్ పాత్రలో కనిపించనున్నారని సమాచారం. ఈ కథలో ఆంధ్రప్రదేశ్‌కు చెందిన రామ్మూర్తి నాయుడు అనే బాడీ బిల్డర్ జీవితం నుండి కొన్ని సంఘటనలను తీసుకున్నట్లు టాక్ వినిపిస్తోంది.
ఇందుకోసం రామ్ చరణ్ తన లుక్, ఫిజిక్ పై ప్రత్యేక శ్రద్ధ పెట్టారట. ఇటీవల విదేశాల్లో నెల రోజుల పాటు శిక్షణ తీసుకొని బాడీ బిల్డింగ్ ట్రైనింగ్ చేశారు. బాడీ బిల్డర్‌గా ఉండటానికి కావలసిన స్టైల్స్, ఆడిట్యూడ్‌ పై ప్రత్యేక వర్క్‌షాప్ కూడా నిర్వహించారు. ఈ క్రమంలో చరణ్ గడ్డం లుక్ తో కనిపిస్తారని సమాచారం. గతంలో ‘రంగస్థలం’(Rangasthalam) సినిమా కోసం సాదాసీదాగా ఉన్న చరణ్, ఈసారికి మరింత మాస్ లుక్ తో ప్రేక్షకుల ముందుకు రాబోతున్నారట.
ఇదే లుక్‌తో ఒక ప్రత్యేక సర్‌ప్రైజ్‌ ఉండనుంది అని తెలుస్తోంది. RC16 (RC16) లో చరణ్, సింపుల్ అండ్ రియలిస్టిక్ గా కనిపించడానికి బుచ్చిబాబు ప్రత్యేక శ్రద్ధ పెట్టారు. దాదాపు రంగస్థలం లుక్ తరహాలోనే ఉంటుందట. అయితే ఫిట్నెస్ విషయంలో మాత్రం బిగ్ సర్ ప్రైజ్ ఇవ్వనున్నట్లు తెలుస్తోంది. సినిమా లో మాస్ ఆడియన్స్ కి కనెక్ట్ అయ్యేలా, చరణ్‌ను బుచ్చిబాబు తన సరికొత్త శైలిలో మలిచే పనిలో ఉన్నారట.
ఈ సినిమాలో చరణ్ కి జోడీగా బాలీవుడ్ నటి శ్రీదేవి (Sridevi) కుమార్తె జాన్వీ కపూర్ (Janhvi Kapoor) నటిస్తున్నారు. మైత్రి మూవీ మేకర్స్ ఈ చిత్రాన్ని భారీ బడ్జెట్ తో నిర్మిస్తున్నారు. ఇక ఈ సినిమా వచ్చే ఏడాది చివర్లో లేదా 2026 సంక్రాంతి సందర్భంగా విడుదల అయ్యే అవకాశం ఉంది.
