భారీ బడ్జెట్ సినిమాలను తెరకెక్కిస్తూ.. సరికొత్త కథలతో ప్రేక్షకులను ఎంటర్టైన్ చేస్తున్నారు దర్శకుడు గుణశేఖర్. నిజానికి ‘రుద్రమదేవి’ సినిమా తరువాత ఆయన ‘హిరణ్య కశ్యప’ సినిమా చేస్తున్నట్లు చెప్పారు. దీని కోసం రూ.200 కోట్ల బడ్జెట్ కూడా అనుకున్నారు. ఈ కథపై గుణశేఖర్ చాలా కాలం పాటు వర్క్ చేశారు. అయితే రానా కాల్షీట్స్ అందుబాటులో లేకపోవడం, లాక్ డౌన్ వంటి కారణాల వలన సినిమా సెట్స్ పైకి వెళ్లడం ఆలస్యమైంది.
దీంతో ఈ ప్రాజెక్ట్ ఆగిపోయిందనే సందేహాలు కలిగాయి. మధ్యలో సురేష్ బాబు బడ్జెట్ ఎక్కువ అవుతుందా సినిమాను పక్కన పెట్టేసినట్లు వార్తలు వచ్చాయి. అయితే తాజాగా ఈ వార్తలపై గుణశేఖర్ క్లారిటీ ఇచ్చారు. ‘హిరణ్య కశ్యప’ ఆగిపోలేదని స్పష్టం చేశారు. త్వరలోనే ఈ సినిమా సెట్స్ పైకి వెళ్తుందని చెప్పారు. ఈ ప్రాజెక్ట్ కోసం ఐదేళ్ల పాటు వర్క్ చేయాల్సి ఉంటుందని.. ఇప్పటికే మూడేళ్లు కష్టపడ్డామని అన్నారు. యానిమేషన్ లో సినిమా కూడా చూసుకున్నామని చెప్పారు.
ప్రొడక్షన్ కి పది నెలలు సరిపోతుందని.. పోస్ట్ ప్రొడక్షన్ కి మరో ఏడాది సమయం పడుతుందని చెప్పారు. ‘శాకుంతలం’ సినిమా పూర్తయిన వెంటనే.. ‘హిరణ్య కశ్యప’ను సెట్స్ పైకి తీసుకెళ్తామని వెల్లడించారు. ఈ సినిమా కోసం హాలీవుడ్ టెక్నీషియన్స్ పని చేస్తున్నారని.. వాళ్లతో ఇప్పటికీ టచ్ లో ఉన్నట్లు గుణశేఖర్ చెప్పుకొచ్చారు.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home
