పవన్ కళ్యాణ్ పై ఫన్నీ కామెంట్స్ చేసిన దర్శకుడు క్రిష్..!

క్రిష్ దర్శకత్వంలో తెరకెక్కిన ‘కొండపొలం’ చిత్రం ఈ వారం అంటే అక్టోబర్ 8న ప్రేక్షకుల ముందుకు రానుంది. ‘ఎన్టీఆర్ బయోపిక్’ తర్వాత క్రిష్ నుండీ రాబోతున్న మూవీ ఇదే కావడం విశేషం. అయితే దీనికంటే ముందే పవన్ కళ్యాణ్ తో ‘హరి హర వీరమల్లు’ అనే చిత్రాన్ని మొదలుపెట్టాడు క్రిష్. కానీ అనుకోకుండా మధ్యలో ఈ చిన్న సినిమా చేసాడు. సాధారణంగా ఓ పెద్ద సినిమా చేస్తున్న టైములో చిన్న సినిమా చేయడానికి దర్శకుడు రెడీ అయినప్పటికీ..

అతను కమిట్ అయిన ప్రాజెక్టు కి సంబంధించిన హీరో, నిర్మాత అంగీకరించే అవకాశాలు తక్కువ. మరి క్రిష్ కు ఎలా కుదిరింది అనే విషయం పై అతను స్పందించి ఆసక్తికరమైన వ్యాఖ్యలు చేసాడు. క్రిష్ మాట్లాడుతూ.. ” ‘కొండపొలం’ మొదలైనప్పుడు ‘హరిహర వీరమల్లు’ రెండు షెడ్యూల్స్ పూర్తయ్యాయి. కరోనా టైములో నాకు మరో పనిలేదు.ఏ యాక్టివిటీ జరగడం లేదు.మంచి పుస్తకాలు ఏంటో తెలుసుకుని చదవడం.వాటి గురించి చెప్పడం, పుస్తకాలు పంచడం ఇదే నా పని. ఈ క్రమంలో నేను ‘కొండపొలం’ చదివాను.ఈ ప్రాజెక్టు గురించి కళ్యాణ్ గారికి నా మనసులో మాట చెప్పాను.

‘ఇన్ని కోట్లు పెట్టి హరిహర వీరమల్లు సినిమా చేస్తున్నాం కదా…అలాంటిది మధ్యలో మరో చిన్న సినిమా అంటే.. ఇంకో హీరో ఎవరైనా యితే నన్ను తన్ని తరిమేసేవారు.కానీ కళ్యాణ్ గారు అర్ధం చేసుకొని .. ఇలాంటి ప్రతికూల పరిస్థితుల్లో ఇండస్ట్రీకి సినిమా అవసరమని ఆయన ఎంకరేజ్ చేశారు. తర్వాత నిర్మాత రత్నం గారికి చెప్పా. ఆయన కూడా అంగీకరించారు. ‘కొండపొలం’ రిలీజ్ పనులున్నా మరోపక్క ‘వీరమల్లు’ పనులు కూడా జరుగుతున్నాయి. ఓ సీన్ తీస్తే ఫస్ట్ హాఫ్ మొత్తం పూర్తవుతుంది” అంటూ క్రిష్ చెప్పుకొచ్చారు.

రిపబ్లిక్ సినిమా రివ్యూ & రేటింగ్!

Most Recommended Video

హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!