Director Krish, Pawan Kalyan: పవన్ కళ్యాణ్ ‘హరి హర వీరమల్లు’ షూటింగ్ ఎంతవరకు వచ్చిందంటే..!

October 5, 2021 / 12:25 PM ISTByFilmy Focus

Join Us

Director Krish, Pawan Kalyan: పవన్ కళ్యాణ్ ‘హరి హర వీరమల్లు’ షూటింగ్ ఎంతవరకు వచ్చిందంటే..!

‘హరిహర వీరమల్లు’… పవన్ కళ్యాణ్ నటిస్తున్న వరుస సినిమాల్లో ఇది కూడా ఒకటి. ‘వకీల్ సాబ్’ షూటింగ్ మొదలైన కొన్ని రోజులకే ఇది కూడా మొదలైంది. నిధి అగర్వాల్ హీరోయిన్ గా నటిస్తున్న ఈ చిత్రం పీరియాడిక్ నేపథ్యంలో సాగే కథాంశంతో రూపొందుతోంది. అయితే మొదట్లో బడ్జెట్ సమస్యల కారణంగా ఈ చిత్రం షూటింగ్ వాయిదా పడింది అనే కథనాలు వినిపించాయి. క్రిష్.. వైష్ణవ్ తేజ్ తో మరో చిత్రం తెరకెక్కించడంతో… ‘అవి నిజమే’ అని అంతా అనుకున్నారు.

కానీ మధ్యలో అప్పుడప్పుడు ‘హరి హర వీర మల్లు’ కి సంబంధించి ఒక్కో అప్డేట్ విడుదల చేసి వాటికి చెక్ పెట్టారు. అలా అని ఈ చిత్రం షూటింగ్ రెగ్యులర్ గా జరగడం లేదు.మరోపక్క పవన్ ‘భీమ్లా నాయక్’ తో బిజీగా గడుపుతున్నాడు. ఇదిలా ఉండగా.. ఈ చిత్రం గురించి ఫ్యాన్స్ కు దర్శకుడు క్రిష్..అదిరిపోయే అప్డేట్ ఇచ్చాడు. ‘కొండపొలం’ ప్రమోషన్స్ లో భాగంగా పాల్గొన్న మీడియా సమావేశంలో క్రిష్ ‘హరి హర వీరమల్లు’ సినిమా గురించి మాట్లాడుతూ..

“ఒక్క సీన్ మినహా ఇంటర్వెల్ వరకు షూటింగ్ ఫినిష్ అయ్యింది. నవంబర్ నుండి మరో షెడ్యూల్ మొదలు పెడుతున్నాం” అంటూ చెప్పుకొచ్చాడు. క్రిష్ ఇచ్చిన అప్డేట్ తో పవన్ అభిమానులు ఖుషీ అవుతున్నారు. ఇక ‘హరి హర వీరమల్లు’ లో పవన్ ఓ బందిపోటుగా కనిపిస్తున్న సంగతి తెలిసిందే.