Lokesh Kanagaraj: విజయ్‌ – లోకేశ్‌ కనగరాజ్‌ కొత్త సినిమాపై షాకింగ్‌ కామెంట్లు

విజయ్‌ – లోకేశ్‌ కనగరాజ్‌.. ఈ కాంబినేషన్‌ గురించి గత కొద్ది రోజులుగా సౌత్‌ సినిమా ఇండస్ట్రీలో చర్చ నడుస్తూనే ఉంది. కారణం ఇద్దరూ కలసి తాజాగా ఓ సినిమా చేస్తుండటమే. తాజాగా దానికి ‘లియో – బ్లడీ స్వీట్‌’ అనే పేరు కూడా పెట్టారు. అయితే ఇప్పుడు ఆ చర్చ మరోవైపు మళ్లింది. ఈ క్రమంలో సినిమాలో కొత్తదనం నుండి, లోకేశ్‌ ఆలోచనల వరకు అన్నింటి మీద ప్రశ్నలు వినిపిస్తున్నాయి. అయితే అక్కడ ఉన్నది లోకేశ్‌ కాబట్టి తక్కువగా అంచనా వేయొద్దు అనే మాటలు కూడా వస్తున్నాయి. ఇంతకీ ఏమైందంటే?

‘లియో’ పేరుతో ఇటీవల టీమ్‌ ఓ టీజర్‌ను విడుదల చేసింది. అందులో విజయ్‌ ఊరు చివరన పెద్ద బంగ్లాలో ఉంటాడు. చాక్లెట్ల తయారీ అతని వృత్తి. అయితే అక్కడు కత్తి తయారు చేయడం లాంటి పనులు కూడా ఉంటాయి. లియో లేటెస్ట్‌గా ఓ కత్తిని తయారు చేసి.. దానికి చాక్లెట్‌లో ముంచి.. ఆ చాక్లెట్‌ టేస్ట్‌ చూడటం ఆ టీజర్‌లో కనిపిస్తోంది. పారలల్‌గా విజయ్‌ దగ్గరకి అదేనండీ లియో దగ్గరకు కార్లలో రౌడీలు/విలన్లు కూడా వస్తారు. ఆ తర్వాత అక్కడ ఫైట్‌ ఉంటుంది అని ప్రత్యేకంగా చెప్పక్కర్లేదు.

ఇదంతా చదువుతుంటే మొన్నీ మధ్య వచ్చిన కమల్‌ హాసన్‌ సినిమా ‘విక్రమ్‌’ టీజర్‌లా ఉందే అనిపిస్తోంది కదా. ఆ టీజర్‌ చూసుంటే అలా అనిపిస్తుంది. ఎందుకంటే రెండూ ఒకేలా ఉన్నాయి కాబట్టి. అందులో రైస్‌ – నాన్‌ వెజ్‌ పెడితే.. ఇక్కడ చాక్లెట్‌ పెట్టారు అంతే. దీంతో ఈ రెండు సినిమాల టీజర్లను కంపేర్‌ చేస్తూ.. ‘విక్రమ్‌’, ‘లియో’ ఒకేలా ఉన్నాయి అంటూ కామెంట్స్‌ వస్తున్నాయి. కొందరైతే ఇంకో అడుగు ముందుకేసి.. లోకేశ్‌ కనగరాజ్‌లో కొత్తదనం పోయింది అంటూ కామెంట్స్‌ చేస్తున్నారు. ఎందుకంటే రెండు వరుస సినిమాల టీజర్లు ఒకేలా ఉన్నాయి కాబట్టి.

‘లియో’ కూడా లోకేశ్‌ కనగరాజ్‌ సినిమాటిక్‌ యూనివర్స్‌ కిందకు వస్తుందని ఈ టీజర్‌ చూస్తే తెలుస్తోంది. అయితే ఎక్కడా అధికారికంగా ఏమీ చెప్పలేదు. ‘విక్రమ్‌’లో కమల్‌ ఫుల్‌ మాసీగా ఉంటే.. ఇందులో విజయ్‌ క్లాస్‌గా ఉంటాడు అంటున్నారు. ఏ విషయమూ తేలాలంటే అక్టోబరు 19 వరకు ఆగాలి. ఆ రోజే ‘లియో’ వస్తాడు.

రైటర్‌ పద్మభూషణ్‌ సినిమా రివ్యూ & రేటింగ్!
రెబల్స్ ఆఫ్ తుపాకుల గూడెం సినిమా రివ్యూ & రేటింగ్!

మైఖేల్ సినిమా రివ్యూ & రేటింగ్!
టాలీవుడ్ లో రీమిక్స్ చేసిన 20 తెలుగు పాటలు ఇవే!