మరో ఇంటరెస్టింగ్ టైటిల్ తో మారుతి!

December 26, 2020 / 03:25 PM ISTByFilmy Focus

Join Us

టాలీవుడ్ లో టాప్ డైరెక్టర్ గా గుర్తింపు తెచ్చుకున్నాడు మారుతి. తన సినిమాల్లో సరికొత్త పాయింట్ ఉండేలా చూసుకుంటాడు ఈ డైరెక్టర్. ముఖ్యంగా సినిమా టైటిల్స్ కి సంబంధించి ఎక్కువ కేర్ తీసుకుంటాడు. ఇప్పుడు తన కొత్త సినిమా కోసం మరో ఇంటరెస్టింగ్ టైటిల్ అనుకుంటున్నాడు. ‘ప్రతిరోజు పండగే’ సినిమా తరువాత మారుతి నుండి మరో సినిమా రాలేదు. యంగ్ హీరో రామ్ తో సినిమా చేయాలనుకున్నాడు కానీ వర్కవుట్ కాలేదు. ఆ తరువాత రవితేజ్ దగ్గరకి వెళ్లాడు.

రెమ్యునరేషన్ విషయంలో రాజీ పడని రవితేజ ఈ సినిమాను పక్కన పెట్టేశాడు. దీంతో అదే కథతో గోపీచంద్ తో సినిమా తీయడానికి రెడీ అవుతున్నాడు మారుతి. యూవీ, గీతా ఆర్ట్స్ కలిపి ఈ సినిమాను నిర్మించనున్నారు. సినిమాలో హీరో లాయర్ పాత్రలో కనిపించనున్నారు. ఫీజు కోసం ఎలాంటి కేసునైనా వాదించే క్యారెక్టర్ అది. ప్రతీ విషయంలో కమర్షియల్ గా ఆలోచించే ఆ లాయర్ పాత్ర సినిమాకి హైలైట్ గా ఉంటుందట.

Director Maruthi vs Gopichand1

ఈ పాయింట్ ని బట్టి సినిమాకి ‘పక్కా కమర్షియల్’ అనే టైటిల్ పెట్టాలని మారుతి భావిస్తున్నాడట. దాదాపు ఇదే టైటిల్ ఫిక్స్ అయ్యే ఛాన్స్ ఉంది. ప్రస్తుతం గోపీచంద్.. మారుతి సినిమా కోసం డేట్స్ కేటాయించాల్సివుంది. అవి సర్దుబాటు అయితే త్వరలోనే ఈ కాంబినేషన్ గురించి అధికార ప్రకటన రానుంది.