పవన్ కళ్యాణ్ హీరోగా నటించిన ‘వకీల్ సాబ్’ ఇటీవల విడుదలై భారీ విజయాన్ని నమోదు చేసుకుంది. బాలీవుడ్ లో విడుదలైన ‘పింక్’ సినిమాకి రీమేక్ గా దీన్ని తెరకెక్కించారు. హిందీలో లేని కొన్ని కమర్షియల్ ఎలిమెంట్స్ ను, హీరోయిజాన్ని ఈ సినిమాలో చూపించారు. అయితే ఇప్పుడు ఈ సినిమా మారుతి దర్శకత్వంలో రూపొందుతోన్న ‘పక్కా కమర్షియల్’ సినిమాకి సమస్యగా మారిందని సమాచారం. ‘పక్కా కమర్షియల్’ సినిమా మొదలుపెట్టే సమయానికి ‘వకీల్ సాబ్’ ఇంకా రిలీజ్ కాలేదు.
దాంతో కోర్టు రూమ్ డ్రామాకు కమర్షియల్ ఎలిమెంట్స్ కలుపుతూ రాసుకున్న ‘పక్కా కమర్షియల్’ స్క్రిప్ట్ కి ‘వకీల్ సాబ్’ సినిమాకి పోలికలు వచ్చాయట. ‘వకీల్ సాబ్’ సినిమా చూసిన దర్శకుడు మారుతి ఇప్పుడు తన స్క్రిప్ట్ లో మార్పులు చేస్తున్నారట. ‘వకీల్ సాబ్’ సినిమా పోలికలు తన కథలో ఎక్కడా కనిపించకుండా ఉండేలా జాగ్రత్త పడుతున్నాడట. సెకండ్ వేవ్ కారణంగా ప్రస్తుతం సినిమా షూటింగులన్నీ ఆగిపోయాయి. ఈ సమయాన్ని మారుతి తన కథను మార్చడానికి ఉపయోగిస్తున్నాడట. స్క్రిప్ట్ లో కొన్ని బెటర్మెంట్స్ చేస్తున్నట్లు సమాచారం.
ఈ సినిమాలో గోపీచంద్ కి జోడీగా రాశీఖన్నా కనిపించనుంది. ఈ సినిమాను అల్లు అరవింద్ స‌మ‌ర్ప‌ణ‌లో జీఏ2 పిక్చ‌ర్స్, యూవీ క్రియేష‌న్స్ బ్యానర్స్ పై బ‌న్నీవాసు నిర్మిస్తున్నారు. ఈ ఏడాది అక్టోబర్ 1న సినిమాను విడుదల చేయడానికి ప్లాన్ చేశారు. కానీ చెప్పిన టైమ్ కి సినిమా వస్తుందా లేదా అనే విషయంలో క్లారిటీ లేదు. ప్రస్తుతం గోపీచంద్ నటించిన ‘సీటీమార్’ సినిమా అన్ని కార్యక్రమాలు పూర్తి చేసుకొని విడుదలకు సిద్ధంగా ఉంది.
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
‘జెర్సీ’ లోని ఈ 15 ఎమోషనల్ డైలాగ్స్ ను ఎప్పటికీ మరచిపోలేము..!
Home
