స్టార్ హీరో ప్రభాస్ (Prabhas) కెరీర్ పరంగా బిజీగా ఉండగా మరో నాలుగు వారాల్లో కల్కి 2898 ఏడీ (Kalki 2898 AD) మూవీ థియేటర్లలో విడుదల కానుంది. ఈ సినిమా ప్రమోషన్స్ లో భాగంగా ప్రభాస్, నాగ్ అశ్విన్ Nag Ashwin) ఆంగ్ల మీడియాతో ముచ్చటిస్తూ ఆసక్తికర వ్యాఖ్యలు చేశారు. ప్రభాస్ మాట్లాడుతూ కల్కి మూవీ గ్లోబల్ రేంజ్ లో ఉండనుందని దేశవ్యాప్తంగా ఉన్నవారితో పాటు అంతర్జాతీయ ప్రేక్షకుల కోసం ఈ సినిమాను రూపొందించామని ప్రభాస్ తెలిపారు.
ఆ రీజన్ వల్లే ఈ సినిమాకు ఎక్కువ మొత్తం బడ్జెట్ ఖర్చు అయిందని ప్రభాస్ పేర్కొన్నారు. కల్కి సినిమా కోసం దేశంలోని గొప్ప నటులను తీసుకున్నామని ప్రభాస్ చెప్పుకొచ్చారు. అభిమానులు నన్ను పాన్ ఇండియా స్టార్ అని పిలుస్తారని అయితే అది నాపై ఎలాంటి ప్రభావం చూపదని ప్రభాస్ తెలిపారు. నన్ను అలా పిలవడాన్ని ఫ్యాన్స్ కూడా ఇష్టపడతారని ప్రభాస్ కామెంట్లు చేయడం గమనార్హం. అభిమానులకు ఆ పిలుపు సంతోషాన్ని ఇస్తుందని ఆయన పేర్కొన్నారు.
నాగ్ అశ్విన్ మాట్లాడుతూ కల్కి మూవీ చూసిన తర్వాత ప్రేక్షకులు మరో ప్రపంచంలోకి వెళ్లొచ్చామనే భావనను కలిగి ఉంటారని అన్నారు. నేను అవతార్ మూవీ చూసిన తర్వాత ఇలాంటి భావననే పొందానని నాగ్ అశ్విన్ చెప్పుకొచ్చారు. ఈ సినిమాను చూస్తే ఒక కొత్త లోకాన్ని చూసినట్టు అనిపిస్తుందని ఆయన కామెంట్లు చేశారు. కల్కి థియేటర్ లో చూశాక ప్రేక్షకులకు సైతం అదే అనుభూతి కలుగుతుందని నాగ్ అశ్విన్ పేర్కొన్నారు.
నాగ్ అశ్విన్ కెరీర్ పరంగా మరింత ఎదిగి మరిన్ని విజయాలను అందుకోవాలని ప్రభాస్ ఫ్యాన్స్ కోరుకుంటున్న భారీ హిట్ ఇదే కావాలని అభిమానులు భావిస్తున్నారు. కల్కి మూవీ ట్రైలర్ కోసం ఆసక్తిగా ఎదురుచూస్తున్నామని అభిమానులు చెబుతున్నారు. ప్రభాస్ ఫ్యాన్స్ అంచనాలను అందుకుని ఈ సినిమా ప్రేక్షకులను మెప్పిస్తుందేమో చూడాల్సి ఉంది.
