నటుడు శ్రీకాంత్‌ (Srikanth) తనయుడు రోషన్‌ (Roshan) హీరో అయ్యి నాలుగేళ్లు అయిపోయింది. అప్పుడెప్పుడో 2021లో ‘పెళ్లిసందD’ సినిమాలో ఎంట్రీ హీరోగా ఇండస్ట్రీలోకి ఇచ్చాడు. ఆ సినిమాతో మంచి పేరు తెచ్చుకున్న హీరోయిన్ శ్రీలీల (Sreeleela) ఇప్పుడు పాన్ ఇండియా హీరోయిన్ అయిపోయింది. కానీ రోషన్‌ రెండో సినిమానే ఇంకా రాలేదు. అయితే సెట్స్‌ మీద రెండున్నాయి అనుకోండి. ఇప్పుడు మూడో సినిమా కూడా ఫిక్స్ అయింది అని చెబుతున్నారు. మొన్నామధ్య ‘నాకో ప్రేమకథ చేయాలని ఉంది’ అని మనసులో మాట చెప్పిన మాస్‌, యాక్షన్‌ సినిమల దర్శకుడే ఈ సినిమాను తెరకెక్కించనున్నారు.
రీసెంట్‌గా ఎవరా మాట అన్నారు అని ఆలోచించుకుంటే.. లిస్ట్‌లో ‘హిట్’ (HIT) సినిమాల దర్శకుడు శైలేష్‌ కొలను ()Sailesh Kolanu గుర్తొస్తారు. ఆ మధ్య ‘హిట్ 3’ (HIT 3) సినిమా ప్రచారంలో భాగంగా శైలేష్‌ మాట్లాడుతూ ‘ప్రేమకథ’ గురించి చెప్పారు. రోషన్‌ హీరోగా ఆ సినిమా ఉంటుందట. ఈ సినిమాకు నాని (Nani), నాగవంశీ (Suryadevara Naga Vamsi) నిర్మాతలుగా వ్యవహరిస్తారట. అన్నీ అనుకున్నట్లుగా జరిగితే ఈ నెలలో సినిమా అనౌన్స్‌మెంట్‌, పూజ కార్యక్రమం కూడా జరిగిపోతుంది అని చెబుతున్నారు.
షూటింగ్‌ కూడా వెంటనే ప్రారంభించేస్తారట. ఇదంతా చదివాక.. కథ చెప్పి, ఓకే చేసుకొని ‘మనసులో మాట’ అంటూ తన ప్రాజెక్ట్‌ లీకు ఇచ్చారు శైలేష్‌ కొలను అనే కామెంట్స్ వినిపిస్తున్నాయి. ‘హిట్’ జోనర్‌ నుండి బయటకు వస్తే శైలేష్‌కి విజయం దక్కలేదు. మరి ఈ ప్రేమకథ ఏమన్నా ఆ మార్క్‌ చెరిపేస్తుందేమో చూడాలి.
ఇక రోష్‌ సంగతి చూస్తే.. మలయాళంలో మోహన్ లాల్‌తో (Mohanlal) ‘వృషభ’ అనే సినిమా చేస్తున్నాడు. స్వప్న సినిమాస్ నిర్మాణంలో ‘ఛాంపియన్‌’ అనే మరో సినిమా కూడా ఉంది. ఇవి కాకుండా మరో యువ దర్శకుడితో సినిమాకు ఇటీవల రోషన్‌ ఓకే చెప్పాడు అని అంటున్నారు. ఆ సినిమాను కూడా త్వరలోనే అధికారికంగా ప్రకటిస్తారని సమాచారం.
Home