Bandla Ganesh: పెద్ద డైరెక్టర్లు, హీరోలకి బండ్ల గణేష్ చురకలు.. నిజమే కదా..!

బండ్ల గణేష్ (Bandla Ganesh Babu)  ఇటీవల ఎస్వీ కృష్ణారెడ్డి (S. V. Krishna Reddy)  పుట్టినరోజు వేడుకల్లో పాల్గొన్నారు. ఈ సందర్భంగా ఆయన ఇచ్చిన స్పీచ్ కొంత హాట్ టాపిక్ అయ్యింది. ఆయన మాట్లాడుతూ.. “జగపతి బాబు (Jagapathi Babu) ప్లాపుల్లో ఉంటే.. ‘నువ్వు టాలీవుడ్ కు అమితాబ్ బచ్చన్ (Amitabh Bachchan) లాంటి వాడివి’ అని చెప్పి ‘శుభలగ్నం’ ‘మావిచిగురు’ వంటి సినిమాలు తీసి అతనికి బ్లాక్ బస్టర్స్ ఇచ్చారు ఎస్వీ కృష్ణారెడ్డి. శ్రీకాంత్ ను (Srikanth) ఒక దశాబ్ద కాలం పాటు హిట్లు ఇచ్చి నడిపించారు.

Bandla Ganesh

‘అలీ (Ali) హీరో ఏంటి ఊరుకోవయ్యా’ అంటూ చాలామంది కామెంట్లు చేశారు ఆ రోజుల్లో. అలాంటి కమెడియన్ ను హీరోగా పెట్టి ‘యమలీల’ తీశారు. ఇలా చెప్పుకుంటూ పోతే చాలా బ్రహ్మానందం (Brahmanandam), కోట శ్రీనివాసరావు (Kota Srinivasa Rao), బాబు మోహన్ (Babu Mohan) వంటి ఎంతో మందికి స్టార్ స్టేటస్ ఇచ్చారు. ఏడాదికి 4,5 సినిమాలు తీసి రిలీజ్ చేసేవారు. హిట్లు ప్లాపులు అనేది ప్రేక్షకులు డిసైడ్ చేస్తారు. ఫాస్ట్ గా సినిమా కంప్లీట్ చేసి రిలీజ్ చేయడం అనేది డైరెక్టర్ మొదటి సక్సెస్.

ఒక్కో సినిమాని 4 ఏళ్ళు.. 5 ఏళ్ళు తీయడం ఏంటి. సినిమాలు లేక నష్టాలు వస్తున్నాయి. నా థియేటర్ కు గతేడాది రూ.40 లక్షలు లాస్ వచ్చింది. అంతకు ముందు బాగా డబ్బులు వచ్చేవి” అంటూ చెప్పుకొచ్చాడు బండ్ల గణేష్. బండ్ల గణేష్ చెప్పిన మాట వాస్తవమే. పెద్ద హీరోల సినిమాలు ఉంటే జనాలు థియేటర్లకు రావడం అనే పని పెట్టుకుంటారు. ఇప్పుడైతే వారు మెల్ల మెల్లగా థియేటర్ కు వచ్చే పని తగ్గించుకుంటున్నారు.

సినీ పరిశ్రమలో విషాదం.. ప్రముఖ నటుడు కన్నుమూత!

నాకే రూ.40 లక్షలు లాస్ : బండ్ల గణేష్ @ganeshbandla #BandlaGanesh #Tollywood pic.twitter.com/H0QgSgb4x6

— Phani Kumar (@phanikumar2809) June 3, 2025