Spirit: ‘స్పిరిట్’.. ప్రభాస్ మళ్ళీ ఆలస్యంగానే..!

ప్రభాస్ (Prabhas) హీరోగా, సందీప్ రెడ్డి వంగా (Sandeep Reddy Vanga)  దర్శకత్వంలో రూపొందనున్న అత్యంత ప్రతిష్టాత్మక ప్రాజెక్ట్ ‘స్పిరిట్’  (Spirit)   పై అంచనాలు ఆకాశాన్నంటుతున్నాయి. ఈ సినిమా పవర్ ఫుల్ కాప్ స్టోరీతో తెరకెక్కనుండగా, సందీప్ రెడ్డి కెరీర్‌లోనే మరో కీలక ప్రాజెక్ట్‌గా మారనుంది. ‘యానిమల్’లో (Animal)  ఉన్నంత వైలెన్స్‌ కంటే ఎక్కువగా ‘స్పిరిట్’లో ఉంటుందని టాక్ వినిపిస్తోంది. మ్యూజిక్, యాక్షన్ సన్నివేశాలు ప్రధాన ఆకర్షణగా నిలుస్తాయని అంటున్నారు.ఈ సినిమా షూటింగ్ డిసెంబర్‌లో మొదలవుతుందని నిర్మాత భూషణ్ కుమార్ ఇటీవల క్లారిటీ ఇచ్చారు.

Spirit

కొరియన్ సూపర్ స్టార్ డాన్ లీ విలన్ పాత్రలో నటించనున్నారని ప్రచారం జరుగుతోంది, కానీ ఇంకా దీనిపై మేకర్స్ ఎలాంటి అధికారిక ప్రకటన ఇవ్వలేదు. ఇక లేటెస్ట్ అప్డేట్ ఏమిటంటే.. ప్రభాస్ మాత్రం ‘స్పిరిట్’ షూటింగ్‌లో కాస్త ఆలస్యంగా చేరే అవకాశం ఉందట. ఆ లోపు దర్శకుడు ప్రభాస్ అవసరం లేని సీన్స్ ను షూట్ చేయనున్నాడు. ఇటీవల ప్రభాస్ దాదాపు అందరి దర్శకులకు అదే తరహాలో స్వేచ్ఛను ఇస్తున్నాడు.

ఇక ప్రభాస్ స్పిరిట్ షూటింగ్ లో ఏకధాటిగా 2025 మార్చి తర్వాత జాయిన్ అవుతారని సమాచారం. అప్పటివరకు ఆయన ‘రాజాసాబ్’  (The Rajasaab)  మరియు ‘ఫౌజీ’ వంటి ప్రాజెక్ట్‌లను పూర్తి చేసే పనిలో ఉంటారు..స్పిరిట్ కోసం ప్రభాస్ ప్రత్యేకమైన లుక్ లో కనిపించబోతున్నారు. పవర్ ఫుల్ మేకోవర్ తో ప్రభాస్ ఈ సినిమాకు సిద్దమవుతున్నారు. ‘ఫౌజీ’ షూటింగ్ ముగిసిన వెంటనే ‘స్పిరిట్’ కోసం ప్రభాస్ డేట్స్ కేటాయిస్తారని సమాచారం.

డాన్ లీ విలన్ పాత్రలో ఉంటే సినిమా ఖచ్చితంగా ఇంటర్నేషనల్ లెవెల్ లో గుర్తింపు పొందే అవకాశం ఉంది. ఇక ఈ సినిమాకు సంగీతం అందించబోతున్న హర్షవర్ధన్ రామేశ్వర్ ఇప్పటికే మ్యూజిక్ సిట్టింగ్స్ మొదలు పెట్టినట్లు తెలిసింది. ‘స్పిరిట్’కు మ్యూజిక్ చాలా కీలకం కానుందని, ప్రత్యేకమైన ఐడియాలతో మ్యూజిక్ డైరెక్టర్ పని చేస్తున్నట్లు సమాచారం.

రివ్యూ రైటర్లకి దిల్ రాజు బంపర్ ఆఫర్!

https://www.youtube.com/watch?v=_x2cQ6ajRNc