లెక్కల మాష్టారు తెలివికి పెద్ద సలాం కొట్టాల్సిందే..!

March 21, 2020 / 08:39 PM ISTByFilmy Focus

Join Us

లెక్కల మాష్టారు తెలివికి పెద్ద సలాం కొట్టాల్సిందే..!

సుకుమార్.. ఈ స్టైలిష్ డైరెక్టర్ గురించి ప్రత్యేక పరిచయం అవసరం లేదు. ఈయన ‘ఆర్య’ చిత్రంతో టాలీవుడ్ లో ఎంట్రీ ఇవ్వడమే రాజమౌళి లాంటి డైరెక్టర్ ను కూడా గజ గజలాడించేసాడు. ఈ విషయాన్ని స్వయంగా రాజమౌళినే ఓ సందర్భంలో చెప్పుకొచ్చాడు. ఈయన డైరెక్షన్ రెగ్యులర్ ఫార్మేట్ లో ఉండదు. అందుకే ఈయన సినిమాలకి కల్ట్ ఫ్యాన్స్ ఎక్కువ. ‘1 నేనొక్కడినే’ సినిమా ఎంత డిజాస్టర్ అయినప్పటికీ.. దీనికి హార్డ్ కోర్ ఫ్యాన్స్ ఉన్నారు అంటే..అతిశయోక్తికాదు. మరో పదేళ్ల తరువాత కూడా అలాంటి సినిమా వస్తుందా అంటే కచ్చితంగా చెప్పలేం. ఎంతో ఇంటెలిజెన్సు తో కూడుకుని ఉంటుంది ఆ సినిమా..! సరే కమర్షియల్ లెక్కలే మనం చెప్పుకోవాలి అంటే.. ‘రంగస్థలం’ వంటి నాన్ బాహుబలి ఇండస్ట్రీ ఇచ్చింది కూడా సుకుమారే..!

Director Sukumar New Business1

సుకుమార్ ప్రస్తుతం అల్లు అర్జున్ తో ఓ సినిమా చేయబోతున్నాడు. ఇప్పటికే షూటింగ్ ప్రారంభం కావాల్సి ఉన్నప్పటికీ.. ఎందుకు స్టార్ట్ అవ్వలేదు అనే సంగతి అందరికీ తెలిసిందే కదా..! ఇక ఇది పక్కన పెడితే… ఓ పక్క డైరెక్టర్ గా తన సినిమాలు చేసుకుంటూనే మరో పక్క ‘సుకుమార్ రైటింగ్స్’ ను స్థాపించి తన దగ్గర ఉన్న కథల్ని.. తన వద్ద పనిచేసే శిష్యులతో డెవలప్ చేయించి వారిని కూడా దర్శకులుగా పరిచయం చేస్తున్నాడు. ఇప్పటికే ‘కుమారి 21ఎఫ్’ చిత్రాన్ని తెరకెక్కించి సూపర్ హిట్ అందుకున్నాడు. ‘దర్శకుడు’ చిత్రం పెద్దగా ఆడలేదు కానీ ఇప్పుడు సాయి తేజ్ తమ్ముడితో ‘ఉప్పెన’ అలాగే నిఖిల్ తో ’18 పేజెస్’ వంటి చిత్రాలు చేస్తున్నాడు. వీటికి నిర్మాతగా మాత్రమే కాదు కథ అందించి.. స్క్రీన్ ప్లే ను కూడా అందిస్తున్నాడు. ఏమైనా ఈయన తెలివితేటలకి పెద్ద సలాం కొట్టాల్సిందే..!