పవన్ కల్యాణ్‌ ఫ్యాన్స్‌ ఈ రోజు సాయంత్రం ఫుల్‌ ఫీస్ట్‌ అంటూ గత కొన్ని రోజులుగా వార్తలు వస్తూనే ఉన్నాయి. సినిమా టీమ్ నుండి అయితే ఎలాంటి అఫీషియల్‌ ఇన్ఫర్మేషన్‌ రాకపోయినా.. అదిగో రెడీ చేస్తున్నారట, ఇదిగో రెడీ అయిపోయిందట, అద్గదిగో ఎల్లుండే అంటూ వార్తలొచ్చాయి. ఎట్టకేలకు టీమ్ బుధవారం సాయంత్రం ఈ విషయంలో అఫీషియల్‌గా సమాచారం ఇచ్చేసింది. అయితే ఆ ఫీస్ట్‌ సింగిల్‌ కాదు.. డబుల్‌ ఫీస్ట్‌ అంటున్నారు. ఈ విషయంలో క్లారిటీ లేదు కానీ.. సమాచారం అయితే పక్కాగా ఉంది అని చెబుతున్నారు.
పవన్ కల్యాణ్‌ కెరీర్‌లో మే 11కు మంచి స్థానం ఉంది. ఆయన లైఫ్‌లో బ్లాక్‌బస్టర్స్‌లో ఒకటైన ‘గబ్బర్‌ సింగ్‌’ రిలీజ్‌ డేట్‌ ఇది. ఇది జరిగి 11 ఏళ్లు పూర్తవుతుంది. ఈ డేట్‌ను సెలబ్రేట్‌ చేసుకోవడానికి ఆ కాంబోలో కీలకమైన దర్శకుడు హరీశ్‌ శంకర్‌ రెడీ అయ్యారు. దీని కోసం ‘ఉస్తాద్‌ భగత్‌ సింగ్‌’ నుండి స్పెషల్‌ వీడియోను రిలీజ్‌ చేస్తున్నారు. సినిమాలో ఓ పంచ్‌ డైలాగ్‌ను, పవన్ కల్యాణ్‌ యాటిట్యూడ్‌ను మిక్స్‌ చేసి రిలీజ్‌ చేయబోతున్నారు.
అయితే దానికి చిన్న యాడ్‌ ఆన్ ఉంటుంది అని సమాచారం. (Ustaad Bhagat Singh) ‘ఉస్తాద్‌ భగత్‌ సింగ్‌’ సినిమాకు సంబంధించి రిలీజ్‌ డేట్‌ను కూడా ఈ గ్లింప్స్‌తో పాటు అనౌన్స్‌ చేస్తారు అని చెబుతున్నారు. మైత్రి మూవీ మేకర్స్ నిర్మిస్తోన్న ఈ సినిమా రిలీజ్‌ డేట్‌ విషయంలో ఇప్పటికే ఓ క్లారిటీ వచ్చేసిందట. అందుకే సినిమా ఎప్పుడు వచ్చేది అని చెప్పబోతున్నారట. ఇక ఈ సినిమాలో పవన్ కళ్యాణ్ పోలీస్ ఆఫీసర్‌గా కనిపించనుండగా, శ్రీలీల హీరోయిన్‌గా నటిస్తోంది.
దేవిశ్రీప్రసాద్ సంగీతం అందిస్తున్న ఈ సినిమా గ్లింప్స్ సాయంత్రం 4 గంటల 59 నిమిషాలకు విడుదల చేయనున్నారు. ఈ సినిమాను సంక్రాంతి సీజన్‌కి బరిలో దింపాలని అనుకుంటున్నట్లు సమాచారం. మరి ఆ సమయానికి సినిమా పూర్తవుతుందా? ప్లానింగ్‌ ఏంటి అనేది త్వరలో తెలుస్తుంది. చూద్దాం అందరూ అనుకుంటున్నట్లు సాయంత్రం గ్లింప్స్‌తోపాటు రిలీజ్‌ డేట్‌ వస్తుందో లేదో?
రామబాణం సినిమా రివ్యూ & రేటింగ్!
ఉగ్రం సినిమా రివ్యూ & రేటింగ్!
గుడి కట్టేంత అభిమానం.. ఏ హీరోయిన్స్ కు గుడి కట్టారో తెలుసా?
ఇంగ్లీష్ లో మాట్లాడటమే తప్పా..మరి ఇంత దారుణంగా ట్రోల్స్ చేస్తారా?
Home