హీరోయిన్ అంటే అప్పుడే దివి నుంచి భువికి దిగివచ్చిన దేవకన్యలా మన తెలుగు సినిమా దర్శకులందరూ చూపించీ చూపించీ అలవాటు చేయడం వలన కథానాయిక అనగానే అందరూ ఆమెను ఓ అందాల భరిణలా చూడడం మొదలుపెట్టారు. కానీ.. తెలుగమ్మాయి ఈషారెబ్బ మాత్రం హీరోయిన్ అంటే అలానే ఉండాలా ఏంటీ అంటూ.. తన కొత్త సినిమాలో పనిమనిషిగా నటిస్తోంది. ఈటీవీ ప్రభాకర్ దర్శకత్వంలో తెరకెక్కుతున్న తాజా చిత్రం “బ్రాండ్ బాబు” చిత్రంలో ఈషారెబ్బ పని మనిషి పాత్రలో కనిపించనుంది. శైలేంద్రబాబు నటిస్తూ నిర్మిస్తున్న ఈ చిత్రాన్ని మారుతి సమర్పిస్తుండగా.. నిన్న ఈ సినిమా ఫస్ట్ లుక్ విడుదలైంది. చీపురు పట్టుకొని కొంటె చూపులు చూస్తున్న ఈషారెబ్బ లుక్ & లుక్స్ ప్రేక్షకుల్ని ఆకట్టుకొంటున్నాయి.
కెరీర్ స్టార్టింగ్ లో కాస్త స్లోగా సాగిన ఈషారెబ్బ కెరీర్ ఇప్పుడు సూపర్ స్పీడ్ తో దూసుకుపోతోంది. ప్రస్తుతం ఆమె చేతిలో నాలుగు సినిమాలున్నాయి. ఇవి కాకుండా ఎన్టీఆర్ హీరోగా త్రివిక్రమ్ శ్రీనివాస్ దర్శకత్వంలో తెరకెక్కుతున్న “అరవింద సమేత” చిత్రంలోనూ పూజా హెగ్డే చెల్లెలుగా ముఖ్యపాత్ర పోషిస్తోంది.
