తెలుగులో సెన్సేషన్ క్రియేట్ చేసిన “అర్జున్ రెడ్డి” తమిళ వెర్షన్ రీమేక్ కు టీం రెడీ అయ్యింది. చియాన్ విక్రమ్ తనయుడు ధృవ్ ఈ చిత్రం ద్వారా కథానాయకుడిగా పరిచయమవుతుండగా.. “దూకుడు, నిర్మలా కాన్వెంట్” చిత్రాల్లో నటించిన శ్రియశర్మ కథానాయికగా నటించనుంది. గౌతమ్ మీనన్ నిర్మించనున్న ఈ చిత్రానికి జాతీయ ఉత్తమ దర్శకుడిగా పేరు తెచ్చుకోవడంతోపాటు.. విక్రమ్ కి మొట్టమొదటి నేషనల్ అవార్డ్ తెచ్చిపెట్టిన బాల ఈ చిత్రానికి దర్శకత్వం వహించనున్నారు.
విక్రమ్ తనయుడు పరిచయమవుతుండడం, బాల ఆ చిత్రానికి దర్శకత్వం వహించడం తమిళ వెర్షన్ “అర్జున్ రెడ్డి”పై అంచనాలను పెంచింది. మరి విక్రమ్ ఈస్థాయిలో జాగ్రత్తలు తీసుకొని మరీ తన తనయుడ్ని పరిచయం చేయడం బానే ఉంది కానీ.. సందీప్ రెడ్డి స్థాయిలో బాల “అర్జున్ రెడ్డి”ని ఒన్ చేసుకొని తమిళ స్క్రీన్ పై వారి అభిరుచికి తగ్గట్లు మార్పులు చేసి మెప్పించగలడా? తెలుగు ఆడియన్స్ విశేషంగా ఆదరించినట్లుగా తమిళ ప్రేక్షకులు “అర్జున్ రెడ్డి”ని ఆదరించగలరా అనేది తెలియాల్సి ఉంది.
