Avatar2: ‘అవతార్’ సీక్వెల్ కోసం అదనపు షోలు!

హాలీవుడ్ కి చెందిన చాలా సినిమాలు ఇండియన్ బాక్సాఫీస్ ను షేక్ చేశాయి. ‘ఎవెంజర్స్ ది ఎండ్ గేమ్’ లాంటి సినిమాలు ఇక్కడ వందల కోట్ల కలెక్షన్స్ ను కొల్లగొట్టాయి. మన సూపర్ స్టార్స్ సినిమాలకు మించి హాలీవుడ్ సినిమాలు ఆడిన సందర్భాలు ఉన్నాయి. ఇప్పుడు అలాంటి సినిమానే రాబోతుంది. వసూళ్ల పరంగా రికార్డులు నెలకొల్పడానికి రెడీ అవుతోంది ఓ సినిమా. అదే ‘అవతార్ 2’ . ఈ సినిమా టికెట్ ఎంత పెట్టైనా చూడడానికి మనవాళ్లు రెడీ అవుతున్నాయి.

డిసెంబర్ 16న ఈ సినిమా రిలీజ్ కాబోతుంది. 2009లో విడుదలైన ‘అవతార్’ సినిమాకు సీక్వెల్ గా దీన్ని తెరకెక్కిస్తున్నారు. అప్పట్లో ఈ సినిమా ఎంత పెద్ద సక్సెస్ అయిందో తెలిసిందే. హాలీవుడ్ తో పాటు ప్రపంచవ్యాప్తంగా సత్తా చాటింది. దానికి సీక్వెల్ వస్తుండడంతో జనాలకు ఆసక్తి పెరిగిపోయింది. సినిమా ట్రైలర్ ఓ రేంజ్ లో ఉండడంతో సినిమాపై అంచనాలు పెరిగిపోయాయి. దీనికి పోటీగా ఏ భాషలోనూ చెప్పుకోదగ్గ సినిమాలు రావడం లేదు.

డిసెంబర్ 16 నుంచి వారం రోజుల పాటు ‘అవతార్ 2’ సినిమా సోలోగా కలెక్షన్స్ అన్నీ కొట్టేయబోతుంది. మల్టీప్లెక్సులు, సింగిల్ స్క్రీన్లు అని తేడా లేకుండా మెజారిటీ థియేటర్లలో ఈ సినిమానే రిలీజ్ కానుంది. ఈ సినిమాకి ప్రేక్షకుల్లో ఉన్న క్రేజ్ చూసి ఇప్పుడు ఇండియాలో పలు సిటీల్లో ముందు రోజు అర్ధరాత్రి నుంచే ‘అవతార్2’ స్పెషల్ షోలను ప్రదర్శించబోతున్నారు. కొన్ని ఏరియాల్లో 24గంటల పాటు సినిమా ప్రదర్శనకు అనుమతులు తీసుకుంటున్నారట.

తొలివారంలో విరామం లేకుండా షోలు ప్రదర్శిచబోతున్నట్లు సమాచారం. ఇలా ఓ హాలీవుడ్ సినిమాకి ఇండియాలో మిడ్ నైట్ షోలు, అదనపు షోలు ఈ రేంజ్ లో పడడం ఎప్పుడూ జరగలేదు. ఇదంతా చూస్తుంటే.. ‘అవతార్ 2’ ఇండియన్ బాక్సాఫీస్ ను షేక్ చేయడం ఖాయమనిపిస్తుంది.

ఆహ నా పెళ్లంట వెబ్ సిరీస్ రివ్యూ& రేటింగ్!
గాలోడు సినిమా రివ్యూ & రేటింగ్!

మసూద సినిమా రివ్యూ & రేటింగ్!
సూపర్ స్టార్ కృష్ణ ట్రెండ్ సెట్టర్ అనడానికి 10 కారణాలు!