దిల్ రాజు ఆలోచనతో కంగారు పడుతున్న వెంకటేష్, వరుణ్ తేజ్

ప్ర‌ముఖ నిర్మాత దిల్ రాజు అంటే స్టార్ హీరోలకి కూడా అభిమానం, గౌరవం. ఎందుకంటే అతను తీసుకునే కథలు, నిర్మాణపు విలువలు బాగుంటాయి. అందుకే అతనితో సినిమా సంతకం చేసిన తర్వాత కంగారు పడరు. కానీ ఇప్పుడు అతని నిర్మాణంలో F2 మూవీ చేస్తున్న వెంకటేష్, వరుణ్ తేజ్ లు మాత్రం కంగారు పడుతున్నట్టు ఫిలిం నగరవాసులు చెప్పారు. ఇదివరకు బొమ్మ‌రిల్లు, సీత‌మ్మ వాకిట్లో సిరిమ‌ల్లె చెట్టు, ఆర్య‌, శ‌త‌మాతం భ‌వ‌తి.. వంటి విజయాలను అందుకున్న దిల్ రాజు ప్రస్తుతం హిట్స్ లేక ఇబ్బంది పడుతున్నారు. ఈ ఏడాది దిల్ రాజ్ బ్యానర్ నుండి వచ్చిన “లవర్”, “శ్రీనివాస కళ్యాణం” ఆకట్టుకోలేకపోయాయి. దసరాకు విడుదలైన “హలో గురూ ప్రేమ కోసమే” కూడా దిల్ రాజు అంచనాలను తారుమారు చేసింది.

ఈ పరిస్థుతుల నేపథ్యంలో హ్యాట్రిక్ హిట్ల దర్శకుడు అనిల్ రావిపూడి దర్శకత్వంలో దిల్ రాజ్ నిర్మిస్తున్న F2 పై అనుమానాలు ఏర్పడ్డాయి. పైగా దిల్ రాజు పబ్లిసిటీ ఎక్కువగా చేయకపోవడంపై హీరోలు అసంతృప్తి వ్యక్తం చేస్తున్నారు. అంతేకాకుండా రిలీజ్ సమయం ఆందోళన పెడుతోంది. వచ్చే ఏడాది సంక్రాంతికి రామ్ చరణ్, బోయపాటి మూవీ, ఎన్టీఆర్ బయోపిక్ లు విడుదల అవుతున్నాయి. వాటికీ పోటీగా దిల్ రాజ్ F2 ని రిలీజ్ చేయడానికి సిద్ధం అవుతున్నారు. ఈ విషయం వెంకటేష్, వరుణ్ తేజ్ ని కలవరపెడుతోంది. ఫలితం ఎలా ఉంటుందో? నని భయపడుతున్నారు. మరి దిల్ రాజు ప్లాన్ మంచి చేస్తుందా? చెడు చేస్తుందా? అనేది కొన్ని రోజుల్లోనే తెలియనుంది.