సెన్సేషనల్ హిట్ కొట్టిన దిల్ రాజు అండ్ టీం

సినిమా హిట్ అవుతుందని టీజర్, ట్రైలర్ రిలీజయ్యాక అందరూ గెస్ చేశారు కానీ.. ఈస్థాయిలో భారీ కలెక్షన్స్ వసూలు చేస్తుందని, అన్నీ వర్గాల ప్రేక్షకులను ఆకట్టుకుంటుందని కనీసం దిల్ రాజు కూడా గెస్ చేసి ఉండరు. అద్భుతమైన కంటెంట్ ఏమీ లేకపోయినా కేవలం పెళ్ళైన మొగుళ్లు అందరూ రిలేట్ అవుతుండడంతో ఎవరూ కనీసం ఊహించని విధంగా “ఎఫ్ 2” భారీ స్థాయిలో కలెక్ట్ చేసింది. ఆల్మోస్ట్ హౌస్ ఫుల్ కలెక్షన్స్ తో దూసుకుపోయింది. ఎన్టీఆర్ కథానాయకుడు పెద్దగా ఎవరికీ ఎక్కకపోవడం, వినయ విధేయ రామకి డిజాస్టర్ టాక్ రావడంతో తెలుగు ప్రేక్షకులందరూ ఫ్యామిలీ ఎంటర్ టైనర్ అయిన “ఎఫ్ 2” సినిమాకే మొగ్గు చూపారు.

• వినయ విధేయ రామ రివ్యూ కోసం ఇక్కడ క్లిక్ చేయండి
• ‘ఎన్టీఆర్ -కథానాయకుడు’ రివ్యూ కోసం ఇక్కడ క్లిక్ చేయండి
• ‘పేట’ రివ్యూ కోసం ఇక్కడ క్లిక్ చేయండి
• ఎఫ్ 2 రివ్యూ కోసం ఇక్కడ క్లిక్ చేయండి

సినిమా ప్రారంభ వసూళ్లు చూసి 40 కోట్ల దాకా కలెక్ట్ చేస్తుందనుకున్నారు జనాలు. కట్ చేస్తే.. 50, 60 కోట్ల మార్క్ ను కూడా క్రాస్ చేసి ఇప్పుడు ఏకంగా 100 కోట్లు కలెక్ట్ చేసే దిశగా దూసుకుపోయింది “ఎఫ్ 2”. విక్టరీ వెంకటేష్ కెరీర్ లో ఇది మొట్టమొదటి 100 కోట్ల సినిమాగా నిలవనుంది. ఇదే దిశగా దూసుకుళ్తే నాన్ బాహుబలి రికార్డ్ కూడా సొంతం చేసుకొనే అవకాశం ఉంది ఈ చిత్రానికి. 2019లో దిల్ రాజు చాలా గట్టి హిట్ తో మొదలెట్టాడన్నమాట.