Fahadh Faasil: ‘పుష్ప 2’ కి ఫహాద్ ఫాజిల్ పారితోషికం ఎంతో తెలుసా..!

‘పార్టీ లేదా పుష్ప’ అంటూ ‘పుష్ప’ చిత్రానికి బజ్ తెచ్చింది ఫహాద్ ఫాజిల్ అనడంలో అతిశయోక్తి లేదు. మలయాళ నటుడే అయినప్పటికీ తెలుగులో కూడా భీభత్సమైన క్రేజ్ ఉన్న నటుడు. ‘పుష్ప ‘(ది రైజ్) లో చివర్లో భన్వర్ సింగ్ షెకావత్ గా ఎంట్రీ ఇచ్చి హీరో అల్లు అర్జున్ ను కూడా డామినేట్ చేసేలా పెర్ఫార్మ్ చేశాడు ఫహాద్ ఫాజిల్. పార్ట్ 2 అయిన ‘పుష్ప 2’ (పుష్ప ది రూల్) పై ఆసక్తి పెంచింది ఇతని పాత్రే అని చెప్పాలి.

సెకండ్ పార్ట్ లో (Fahadh Faasil) ఫహాద్ ఫాజిల్.. పుష్ప రాజ్ ల మధ్య జరిగిన పోరాటాన్నే ప్రధానంగా చూపించబోతున్నారు.ఈరోజు ఫహాద్ ఫాజిల్ పుట్టినరోజు కావడంతో ‘పుష్ప 2’ లో అతని పాత్రకు సంబంధించిన ఓ పోస్టర్ ను వదిలారు. ఇందులో కూలింగ్ గ్లాసెస్ పెట్టుకొని స్టైలిష్ గా సిగరెట్ తాగుతూ కనిపిస్తున్నాడు ఫహాద్ ఫాజిల్. ‘ఈసారి ఆయన ప్రతీకారం తీర్చుకోడానికి వస్తున్నాడు’ అనే లైన్ ను కూడా యాడ్ చేశారు మేకర్స్.

ఈ ఒక్క పోస్టర్ తో సెకండ్ పార్ట్ లో ఫహాద్ పాత్ర ఎలా ఉంటుందో క్లారిటీ ఇచ్చారు మేకర్స్. ఇక ఈ చిత్రం కోసం ఫహాద్ ఫాజిల్ కి భారీ పారితోషికం అందుతుంది. మొదటి పార్ట్ కి రూ.8 కోట్ల వరకు అందుకున్న ఈ మలయాళ నటుడు ‘పుష్ప 2’ కోసం ఏకంగా రూ.12 కోట్లు పారితోషికం అందుకుంటున్నాడట. సో ‘పుష్ప’ ప్రాజెక్ట్ రూపంలో ఇతనికి అందేది రూ.20 కోట్లన్న మాట.

ఆ హీరోల భార్యల సంపాదన ఎంతో తెలిస్తే షాక్ అవ్వాల్సిందే..!

రాంచరణ్ టు నాని.. ఈ 10 మంది హీరోలకి మొదటి వంద కోట్ల సినిమాలు ఇవే..!
పాత్ర కోసం ఇష్టాలను పక్కన పడేసిన నటులు వీళ్లేనా..!