Family Star: బుకింగ్స్ లో ఫ్యామిలీ స్టార్ అదుర్స్.. విజయ్ ఖాతాలో మరో హిట్టంటూ?

విజయ్ దేవరకొండ (Vijay Devarakonda) , మృణాల్ ఠాకూర్ (Mrunal Thakur) జంటగా దిల్ రాజు (Dil Raju)   బ్యానర్ లో తెరకెక్కిన ఫ్యామిలీ స్టార్  (Family Star) మూవీ రేపు థియేటర్లలో విడుదల కానుంది. దిల్ రాజు బ్యానర్ లో సినిమా అంటే ప్రేక్షకుల్లో భారీ స్థాయిలో అంచనాలు ఉంటాయి. ఆ అంచనాలను మించేలా ఈ సినిమా ఉండనుందని కామెంట్లు వ్యక్తమయ్యాయి. బుకింగ్స్ లో ఫ్యామిలీ స్టార్ మూవీ అదుర్స్ అనిపిస్తోంది. ప్రముఖ మల్టీప్లెక్స్ లలో ఈ సినిమాకు వేగంగా బుకింగ్ చేసుకోకపోతే టికెట్లు దొరకడం కష్టమని తెలుస్తోంది.

43 కోట్ల రూపాయల బాక్సాఫీస్ టార్గెట్ తో ఫ్యామిలీ స్టార్ మూవీ థియేటర్లలో విడుదలవుతుండగా ఈ సినిమాతో విజయ్ ఖాతాలో మరో హిట్ చేరనుందని కామెంట్లు వ్యక్తమవుతున్నాయి. మృణాల్ ఠాకూర్ హ్యాట్రిక్ సాధిస్తారని ఫ్యాన్స్ ఫిక్స్ అయ్యారు. టైర్2, టైర్3 సిటీలలో సైతం ఉదయం నుంచే ఈ సినిమా షోలు మొదలు కానున్నాయని సమాచారం అందుతోంది. సాధారణ టికెట్ రేట్లతోనే ఈ సినిమా విడుదలవుతోంది.

సినిమాకు పాజిటివ్ టాక్ వస్తే మాత్రం ఈ సినిమా సులువుగా 100 కోట్ల రూపాయల షేర్ కలెక్షన్లను సాధించినా ఆశ్చర్యపోవాల్సిన అవసరం లేదు. వరుసగా సెలవులు ఉండటం ఈ సినిమాకు ఊహించని కలిసొస్తుందని చెప్పవచ్చు. ఫ్యామిలీ స్టార్ సినిమాలో షాకింగ్ ట్విస్టులు ఉన్నాయని భోగట్టా. రష్మిక (Rashmika) ఈ సినిమాలో గెస్ట్ రోల్ లో కనిపిస్తున్నారని సమాచారం అందుతోంది.

ఫ్యామిలీ స్టార్ సినిమాలో ఎన్నో ప్రత్యేకతలు ఉన్నాయని తెలుస్తోంది. తమిళంలో కూడా ఈ సినిమా రిలీజ్ అవుతోంది. తమిళంలో ఈ సినిమాకు ఏ రేంజ్ లో కలెక్షన్లు వస్తాయో చూడాల్సి ఉంది. ఫ్యామిలీ స్టార్ మూవీ ఫస్ట్ డే కలెక్షన్లు ఏ రేంజ్ లో ఉంటయో చూడాలి. ఫ్యామిలీ స్టార్ సినిమా దిల్ రాజు బ్యానర్ రేంజ్ ను మరింత పెంచుతుందేమో చూడాలి. టిల్లు స్క్వేర్ రికార్డ్ స్థాయిలో కలెక్షన్లు సాధిస్తున్న సమయంలో ఫ్యామిలీ స్టార్ విడుదలవుతోంది.