‘ఖుషి’ తర్వాత విజయ్ దేవరకొండ నుండి రాబోతున్న మూవీ ‘ఫ్యామిలీ స్టార్’. ఈసారి ఎలాగైనా ఓ హిట్ కొట్టాలని చాలా కసిగా ఈ సినిమా చేస్తున్నాడు విజయ్. తనకు ‘గీత గోవిందం’ వంటి రూ.100 కోట్ల సినిమాని అందించిన దర్శకుడు పరశురామ్ పెట్ల(బుజ్జి) తెరకెక్కిస్తున్న మూవీ ఇది. దిల్ రాజు ఈ చిత్రానికి నిర్మాత. గోపి సుందర్ సంగీత దర్శకుడు కాగా ‘సీతా రామం’ బ్యూటీ మృణాల్ ఠాకూర్ హీరోయిన్ గా నటిస్తుంది.
ఈ మధ్యనే ఈ చిత్రానికి సంబంధించిన గ్లింప్స్ ని విడుదల చేసింది చిత్ర బృందం. అందులో ‘ఐరనే వంచాలా ఏంటి?’ అనే డైలాగ్ బాగా వైరల్ అయ్యింది. విజయ్ దేవరకొండ సెన్సేషనల్ హీరో అనే విషయాన్ని మళ్లీ గుర్తు చేసింది ఈ చిత్రం గ్లింప్స్. ఇక ఈ సినిమాని 2023 సంక్రాంతి కానుకగా రిలీజ్ చేయాలని చిత్ర బృందం భావించింది. సంక్రాంతికే ఈ సినిమా రిలీజ్ అవుతుంది అని అధికారికంగా ప్రకటించింది కూడా..! సంక్రాంతికి ఫ్యామిలీ సినిమాలకి మంచి డిమాండ్ ఉంటుంది.
పైగా దిల్ రాజు సినిమా అంటే ప్రేక్షకులకి ఇంకా నమ్మకం ఎక్కువ. కాబట్టి మంచి డెసిషన్ అని అంతా అనుకున్నారు. కానీ ఇప్పుడు సంక్రాంతి రేసు నుండి ఫ్యామిలీ స్టార్ ఔట్ అయినట్టు టాక్ గట్టిగా వినిపిస్తోంది. ఎందుకంటే ‘ఫ్యామిలీ స్టార్’ (Family Star) షూటింగ్ పార్ట్ చాలా బ్యాలెన్స్ ఉందట. అది వెంటనే కంప్లీట్ అవ్వడం కష్టం. అందుకే దిల్ రాజు అండ్ టీం ఈ నిర్ణయం తీసుకున్నట్టు తెలుస్తుంది.
జపాన్ సినిమా రివ్యూ & రేటింగ్!
జిగర్ తండ డబుల్ ఎక్స్ సినిమా రివ్యూ & రేటింగ్!
ఈ వారం థియేటర్/ఓటీటీల్లో రిలీజ్ కాబోతున్న 35 సినిమాలు/సిరీస్..ల లిస్ట్..!
