Pushpa 2: ముందు నుయ్యి వెనుక గొయ్యి.. పుష్ప2 మేకర్స్ కు ఫ్యాన్స్ షాకిచ్చారుగా!

పుష్ప ది రూల్  (Pushpa 2: The Rule) సినిమాను కావాలని వాయిదా వేశారో లేక ఏదైనా కారణాల వల్ల వాయిదా వేశారో కచ్చితమైన సమాధానం తెలియదు. పుష్ప2 సినిమా ఎందుకు వాయిదా పడిందనే ప్రశ్నకు సంబంధించి వేర్వేరు వార్తలు ప్రచారంలోకి వస్తున్నాయి. పుష్ప ది రూల్ మూవీ వాయిదా పడటం బన్నీ ఫ్యాన్స్ ను ఎంతగానో బాధ పెట్టింది. ఒక అభిమాని సోషల్ మీడియాలో సినిమాను వాయిదా వేయడం మేకర్స్ కు జోక్ గా ఉందా అని అన్నారు.

అభిమానుల వార్నింగ్ లతో బన్నీకి (Allu Arjun)  బ్యాడ్ టైం మొదలైందా అనే కామెంట్లు వ్యక్తమవుతున్నాయి. పుష్ప ది రూల్ పై భారీ అంచనాలు నెలకొన్న తరుణంలో ఈ సినిమా అంతకంతకూ వాయిదా పడుతుండటం ఫ్యాన్స్ ను బాధ పెడుతోంది. ఒక మాస్ సినిమా కోసం మూడేళ్ల సమయం కేటాయించడం ఏంటని బాహుబలి2 (Baahubali 2) సినిమాకు కూడా ఇంత సమయం తీసుకోలేదని నెటిజన్ల నుంచి కామెంట్లు వినిపిస్తున్నాయి.

అభిమానుల మనోభావాలతో పుష్ప2 మేకర్స్ ఆడుకుంటున్నారని నెటిజన్ల నుంచి కామెంట్లు వినిపిస్తున్నాయి. పుష్ప అభిమానుల తరపున నేను కోర్టులో కేసు ఫైల్ చేస్తానని ఒక వ్యక్తి సోషల్ మీడియా పోస్ట్ లో పేర్కొన్నారు. పుష్ప2 సినిమాను ఇన్నిసార్లు వాయిదా వేయడం దారుణం అని మరి కొందరు అభిప్రాయం వ్యక్తం చేస్తున్నారు. డిసెంబర్ 6 పుష్ప2 రిలీజ్ కు పర్ఫెక్ట్ డేట్ కాదని కూడా మరి కొందరు చెబుతున్నారు.

పుష్ప2 సినిమా విషయంలో అతి జాగ్రత్తలు ఎక్కువయ్యాయని నెటిజన్లు అభిప్రాయపడుతున్నారు. రిలీజ్ డేట్ వాయిదా వల్ల మేకర్స్ పై అదనపు భారం పెరుగుతోందని కామెంట్లు వినిపిస్తున్నాయి. పుష్ప2 ప్రమోషన్స్ లో అయినా కొన్ని ప్రశ్నలకు సంబంధించి సమాధానాలు దొరుకుతాయేమో చూడాల్సి ఉంది. మైత్రీ నిర్మాతలు మంచి డేట్ ను మిస్ చేసుకున్నారని నెటిజన్లు అభిప్రాయపడుతున్నారు.