Game Changer: గేమ్ ఛేంజర్ టీజర్ విషయంలో ఫ్యాన్స్ కోరిక నెరవేరుతుందా?

రామ్ చరణ్ (Ram Charan)  శంకర్ (Shankar)  కాంబినేషన్ లో తెరకెక్కిన గేమ్ ఛేంజర్ Game Changer)  మూవీ నుంచి కొన్ని నెలల క్రితం విడుదలైన జరగండి జరగండి సాంగ్ కు ప్రేక్షకుల నుంచి రెస్పాన్స్ వచ్చిన సంగతి తెలిసిందే. ఈ సినిమా నుంచి మరికొన్ని గంటల్లో రా మచ్చా మచ్చా సాంగ్ రిలీజ్ కానుంది. థమన్ (S.S.Thaman) ఈ సినిమాకు మ్యూజిక్ డైరెక్టర్ కాగా ఈ సినిమా మ్యూజిక్ విషయంలో థమన్ ఎన్నో జాగ్రత్తలు తీసుకున్నారని తెలుస్తోంది.

Game Changer

పాన్ ఇండియా మూవీ కావడంతో అన్ని వర్గాల ప్రేక్షకులకు నచ్చేలా గేమ్ ఛేంజర్ విషయంలో మేకర్స్ అడుగులు పడుతున్నాయని తెలుస్తోంది. నిర్మాత దిల్ రాజు (Dil Raju)  సైతం ఈ సినిమా విషయంలో నెగిటివ్ టాక్ వచ్చే ఛాన్స్ లేకుండా ప్రత్యేక జాగ్రత్తలు తీసుకున్నారని సమాచారం అందుతోంది. అయితే గేమ్ ఛేంజర్ మూవీ టీజర్ ను వీలైనంత వేగంగా విడుదల చేయాలని మెగా అభిమానులు కోరుకుంటున్నారు.

గేమ్ ఛేంజర్ టీజర్ విషయంలో అభిమానుల కోరిక నెరవేరుతుందో లేదో చూడాల్సి ఉంది. ఈ మధ్య కాలంలో కొన్ని సినిమాల మేకర్స్ టీజర్ లేకుండానే డైరెక్ట్ గా ట్రైలర్ ను రిలీజ్ చేస్తున్న సందర్భాలు ఎక్కువగా ఉన్నాయి. గేమ్ ఛేంజర్ ప్రమోషన్స్ విషయంలో మేకర్స్ ప్లాన్ ఏ విధంగా ఉండనుందో చూడాల్సి ఉంది. ఈ ఏడాదే గేమ్ ఛేంజర్ విడుదలవుతుందా? అనే ప్రశ్నలు సైతం తలెత్తుతున్నాయి.

గేమ్ ఛేంజర్ మూవీ రిలీజ్ డేట్ ను అధికారికంగా ప్రకటించకపోవడంతో ఈ సందేహాలు వ్యక్తమవుతున్నాయి. గేమ్ ఛేంజర్ సినిమా కలెక్షన్ల విషయంలో బిగ్గెస్ట్ హిట్ గా నిలవాలని ఫ్యాన్స్ కోరుకుంటున్నారు. చరణ్ ఈ సినిమాలో ఐఏఎస్ రోల్ లో కనిపిస్తారని ఆ పాత్రకు షార్ట్ టెంపర్ ఉంటుందని తెలుస్తోంది. ఎస్జే సూర్య (SJ Suryah), శ్రీకాంత్‌ (Srikanth)  ఈ సినిమాలో కీలక పాత్రల్లో నటిస్తున్న సంగతి తెలిసిందే.

పదేళ్లలో ఐదుగురు ఫ్లాప్ డైరెక్టర్లకు ఛాన్స్.. ఎన్టీఆర్ లా ఎవరూ చేయలేరుగా!