ఒకేరోజు మూడు పండగలు వచ్చే అవకాశం లేదని అనుకుంటారు కానీ.. నిజంగా ఆ రోజు వచ్చేస్తుంది. ఏప్రిల్ 8 న తెలుగు వారు ఎంతో ఇష్టంగా చేసుకునే ఉగాది పండుగే. అదే రోజు పవర్ స్టార్ పవన్ కళ్యాన్ హీరోగా నటించిన ‘సర్దార్ గబ్బర్ సింగ్’ సినిమా రిలీజ్ అవుతోంది. సంవత్సరానికో.. సంవత్సరంన్నరకో ఒక సినిమా చేసే పవన్ సినిమా విడుదలవుతుంటే నిజంగానే ఫ్యాన్స్ పండుగలా ఫీల్ అవుతారు. మరో పండుగ ఏంటని.. అనుకుంటున్నారా..? మాస్, క్లాస్, ఫ్యామిలీ ఆడియన్స్ ఇలా అన్ని వర్గాల్లో మంచి క్రేజ్ తెచ్చుకున్న స్టైలిష్ స్టార్ అల్లు అర్జున్ పుట్టినరోజు కూడా ఏప్రిల్ 8 నే. తమ అభిమాన స్టార్ పుట్టినరోజు అంటే అభిమానికి పండగే. ఇలా ఒకేరోజు మూడు పండుగలతో తెలుగువారి సందడి మొదలుకానుంది.
