కోలీవుడ్ స్టార్ హీరో అజిత్ కి డైరెక్టర్ నచ్చితే చాలు.. అతడితో వరుస సినిమాలు చేస్తుంటారు. గతంలో దర్శకుడు శివతో కలిసి నాలుగు సినిమాలు చేశాడు అజిత్. ఇప్పుడు అదే రూట్ లో మరో దర్శకుడితో సినిమాలు ఒప్పుకుంటున్నాడు. ప్రస్తుతం హెచ్.వినోద్ దర్శకత్వంలో ‘వాలిమై’ సినిమాలో నటిస్తున్నాడు అజిత్. ఈ సినిమా ఇంకా సెట్స్ పైనే ఉంది. బోనీకపూర్ ఈ సినిమాకి నిర్మాతగా వ్యవహరిస్తున్నారు. ఈ సినిమాపై ప్రేక్షకుల్లో భారీ అంచనాలు నెలకొన్నాయి.
గతంలో వీరి కాంబినేషన్ లో వచ్చి ‘నెర్కొండ పార్వై’ భారీ విజయాన్ని అందుకుంది. ఇప్పుడు మరోసారి వీరి ముగ్గురి కలయికలో ‘వాలిమై’ తెరకెక్కుతోంది. ఈ సినిమా షూటింగ్ మరో మూడు రోజుల బ్యాలెన్స్ ఉంది. ఇది పూర్తయిన వెంటనే వీరి కాంబినేషన్ లో మరో సినిమా రాబోతుందంటూ కోలీవుడ్ మీడియాలో కథనాలు వస్తున్నాయి. దీన్ని కూడా బోనీకపూర్ నిర్మిస్తారట. రెండు నెలల్లో షూటింగ్ పూర్తి చేయడమే లక్ష్యంగా పెట్టుకొని సినిమాని పట్టాలెక్కించబోతున్నారని సమాచారం.
ఇప్పటికే ఈ సినిమాకి సంబంధించిన కథా చర్చలు పూర్తయ్యాయని.. ‘వాలిమై’ పూర్తికాగానే ఈ ప్రాజెక్ట్ పట్టాలెక్కుతోంది కోలీవుడ్ వర్గాల సమాచారం. దీనిపై త్వరలోనే అధికార ప్రకటన రానుంది.
Most Recommended Video
బాలకృష్ణ మిస్ చేసుకున్న సినిమాల లిస్ట్.. హిట్లే ఎక్కువ..!
సింహా టైటిల్ సెంటిమెంట్ బాలయ్యకి ఎన్ని సార్లు కలిసొచ్చిందో తెలుసా?
26 ఏళ్ళ ‘పెదరాయుడు’ గురించి ఈ 10 సంగతులు మీకు తెలుసా?
