బిగ్ బాస్ హౌస్ లో శనివారం ఎపిసోడ్ అంటేనే హోస్ట్ ఫుల్ గా హౌస్ మేట్స్ ని రోస్ట్ చేస్తాడు. గత కొన్ని వారాలుగా గీతుకి క్లాస్ పీకితే చూద్దామ్ అన్న ఆడియన్స్ కోరిక తీరింది. నాగార్జున గీతుకి ఫుల్ కోటింగ్ ఇచ్చిపారేశాడు. బిగ్ బాస్ ఏదైనా ఫిజికల్ టాస్క్ ఇవ్వండి గుద్దిపారేస్తా అందర్నీ అన్నావ్ మరి చేశావా అని నిలదీశాడు కింగ్ నాగార్జున. చేపల టాస్క్ లో ఎందుకు లీస్ట్ లో ఉండిపోయావని ప్రశ్నించాడు. పైగా ఎదుటివారి వీకెనెస్ పైన దెబ్బకొట్టాలని అనుకున్నావని అలా గెలవడం గెలుపు కాదని చెప్పాడు. దీనికి గీతు ఈసీజన్ చప్పగా ఉంటోందని, నేనున్న సీజన్ అలా ఉండటం ఇష్టం లేక కావాలనే రెచ్చగొట్టానని చెప్పింది.
అది నీ పనికాదు, బిగ్ బాస్ చూసుకుంటాడు. ఎవరి గేమ్ వాళ్లు ఆడితే సీజన్ ఎక్కడుండాలో అక్కడుంటుంది అంటూ నాగ్ ఫైర్ అయ్యాడు. అంతేకాదు, గీతు నీ గేమ్ పీతలా ఉంది అని చెప్పాడు. పీత తన తోటి పీతలని పైకి ఎక్కకుండా లాగుతుంటుంది. అలాగే, నువ్వు కూడా హౌస్ మేట్స్ ని లాగుతున్నావ్, కానీ చివరకి చివర్లో ఉన్నావని గ్రహించలేకపోతున్నావన్నాడు. ఇక్కడ గీతు నేను గేమర్ ని సార్, వేరేవాళ్లు ఆడుతుంటే ఆడించాను అని, కావాలనే అలా చేశానని సంజాయిషీ చెప్పబోయింది. దీనికి నాగార్జున గీతు నీది బొచ్చులో ఆట అన్నాడు. దీనికి ఒక్కసారి హౌస్ మేట్స్ అందరూ షాక్ అయ్యారు. కోపమొస్తే కామన్ సెన్స్ కోల్పోతావా.
ఎంత మాట అయినా అంటావా ? ఇప్పుడు ఇలా అంటే నీకు ఎలా ఉంది అంటూ కౌంటర్స్ వేసారు. అంతేకాదు, హోస్ట్ నాగార్జున సంచాలక్ గా గీతు నువ్వు గేమ్ ఆడటం ఏంటని ప్రశ్నించారు.
ఇక గీతు ఆటపై ఆదిరెడ్డిని రివ్యూ అడిగి మరీ గీతుని ఒక ఆట ఆడుకున్నారు. ఇక్కడ ఆదిరెడ్డి కూడా కొద్దిగా సేఫ్ గా ఆన్సర్ చెప్పాడు. గీతుని బ్యాడ్ చేయకుండా బ్యాలన్స్ గా జవాబు ఇచ్చాడు. హౌస్ మేట్స్ ని ఈవిషయం అడిగితే, ఆట మద్యలో దూరడం తప్పని అందరూ చెప్పారు. అంతేకాదు, బాలాదిత్య మొత్తుకున్నా కూడా కూరగాయలు కట్ చేసినవి ఎందుకు తీయలేదని అడిగారు. దీనికి యాక్చువల్ గా హౌస్ లో రూల్స్ ఉన్నాయని బుకాయించడానికి ట్రై చేసింది.
దీంతో పక్కన ఇనయ రూల్స్ ఏమీ లేవని మరీ చెప్పింది. దీంతో నాగార్జునకి ఇంకా కోపం వచ్చింది. గీతుకి లెఫ్ట్ రైట్ క్లాస్ పీకాడు. అంతేకాదు, నీకు పనిష్మెంట్ ఇవ్వాల్సిందే అని చెప్పాడు. ఇంట్లో అందరూ తిన్నాక ఈవారం డిషెష్ అన్నీ నువ్వే తోమాలని చెప్పాడు. దీంతో నాకు ఓసీడి ఉందని, నేను పనిదొంగని అని, ఇంట్లో కూడా నేను అలాంటి పనులు చేయలేదని తప్పించుకోవడానికి చూసింది. ఇక్కడే నాగార్జున అయితే బాత్రూమ్ లు అన్నీ కడగమని పనిష్మెంట్ ఇచ్చాడు. దీనికి కెప్టెన్ శ్రీహాన్ పర్యవేక్షణ ఉండాలని చెప్పాడు. మొత్తానికి ఈవారం గీతు కి ఫుల్ క్లాస్ పడటంతో బిగ్ బాస్ ఆడియన్స్ అందరూ ఫుల్ హ్యాపీగా ఫీల్ అయ్యారు.
Home