Gaayapadda Simham Review in Telugu: గాయపడ్డ సింహం సినిమా రివ్యూ & రేటింగ్!

కానీ అమెరికా వెళ్ళిన తెలుగు యువతని రకరకాల కారణాలతో ఇండియాకి తిరిగి పంపించేస్తాడు అమెరికా అద్యక్షుడు ట్రంప్. ఈ వార్త మీడియాలో కూడా వైరల్ అయ్యి గాయిత్రి తండ్రి చెవిన పడుతుంది. దీంతో దరహాస్, గాయిత్రి..ల పెళ్లి క్యాన్సిల్ అవుతుంది. అలాగే దరహాస్ జాబ్ లెస్ అయిపోతాడు. ఈ క్రమంలో అతను మానసికంగా డిస్టర్బ్ అయ్యి ఏకంగా ట్రంప్ పై కక్ష్యసాధింపు చర్యకి పాల్పడతాడు. దాని వల్ల బ్రూతల్ ధర్మ(జె డి చక్రవర్తి) అనే రౌడీ షీటర్ కెరీర్ డిస్టర్బ్ అవుతుంది. దీంతో ధర్మ.. దరహాస్ ని చంపాలనుకుంటాడు. తర్వాత దరహాస్.. ధర్మ బారి నుండి ఎలా తప్పించుకున్నాడు.? మధ్యలో భైరవ్ దాస్(శ్రీవిష్ణు) పాత్ర ఏంటి? అనేది మిగిలిన కథ.

నటీనటుల పనితీరు: తరుణ్ భాస్కర్ హీరోగా సక్సెస్ కోసం ఎదురుచూస్తూ స్ట్రగుల్ అవుతున్నాడు కాబట్టి.. ఈ పాత్ర అతనికి బాగా యాప్ట్ అయిన ఫీలింగ్ ఇస్తుంది. అతను కూడా తన పాత్రని ఎంతో ఈజ్ తో చేసేశాడు. హీరోయిన్లలో ఫరియా స్క్రీన్స్ స్పేస్ తక్కువ అని ప్రమోషన్స్ లో ఆమె చెప్పుకుంది. కానీ ఆమెతో పోలిస్తే మానస చౌదరి స్క్రీన్స్ స్పేస్ తక్కువగా ఉంది. అయితే ఇద్దరు హీరోయిన్లు కూడా తమ క్యూట్ లుక్స్ తో ఆకట్టుకున్నారు. జె డి చక్రవర్తి ధర్మ అనే స్టైలిష్ విలన్ గా సెటిల్డ్ పెర్ఫార్మెన్స్ ఇచ్చాడు. అక్కడక్కడ సీరియస్ గా కనిపిస్తూనే కామెడీ టైమింగ్ తో మెప్పించాడు. శ్రీవిష్ణు పాత్ర ఎంటర్ అయినప్పటి నుండీ కథనంలో వేగం పుంజుకుంది. క్లైమాక్స్ లో ఇతని పాత్రతో సీక్వెల్ కి లీడ్ ఇచ్చిన విధానం బాగుంది. శుభలేఖ సుధాకర్, హర్షవర్ధన్, విష్ణు ఓఐ కూడా తమ పాత్రలకి న్యాయం చేశారు. దర్శకుడు కశ్యప్ శ్రీనివాస్ నటుడిగా కూడా మంచి మార్కులు వేయించుకున్నాడు. మిగతా నటీనటులు కూడా తమ పాత్రలకి న్యాయం చేశారు.

సాంకేతిక నిపుణుల పనితీరు: ఇక్కడ మళ్ళీ మనం దర్శకుడు కశ్యప్ శ్రీనివాస్ గురించి చెప్పుకోవాలి. ఒక చిన్న పాయింట్ తీసుకుని రెండున్నర గంటల పాటు బోర్ కొట్టకుండా కథనాన్ని నడిపించడంలో అతను నూటికి నూరుపాళ్లు సక్సెస్ అయ్యాడు. శ్రీవిష్ణు పాత్ర ఎంటర్ అయినప్పటి నుండీ ఎక్కడా బోర్ కొట్టకుండా క్లైమాక్స్ వరకు హిలేరియస్ గా కథనాన్ని నడిపించాడు. డైలాగులు కూడా చాలా బాగున్నాయి. ముఖ్యంగా కే జి ఎఫ్, పోకిరి , బొమ్మరిల్లు, సలార్ వంటి సినిమాల్లోని ఐకానిక్ సన్నివేశాలు తీసుకుని చేసిన స్పూఫ్స్ కామెడీ పండించాయి.

కచ్చితంగా కశ్యప్ శ్రీనివాస్ కి దర్శకుడిగా మంచి ఫ్యూచర్ ఉందని చెప్పాలి. క్లైమాక్స్ లో సెకండ్ పార్ట్ కి ఇచ్చిన లీడ్ కూడా చాలా బాగుంది. ఇక పవన్ సాధినేని ఈ ప్రాజెక్టుకి అండగా నిలబడి నిర్మాణ భాగస్వామిగా వ్యవహరించడం కూడా ప్లస్ అయ్యింది. నిర్మాణ విలువలు చాలా బాగున్నాయి. సినిమాటోగ్రాఫర్ కూడా ఫుల్ మార్క్ స్కోర్ చేశాడు అని చెప్పాలి. ఇక స్వీకర్ అగస్తి సంగీతంలో రూపొందిన పాటలు అన్నీ చాలా బాగున్నాయి. బ్యాక్ గ్రౌండ్ స్కోర్ కూడా సినిమా మూడ్ కి తగ్గట్టు పర్ఫెక్ట్ గా ఉంటుంది.

విశ్లేషణ: అమెరికాలో ఇబ్బంది పడుతున్న తెలుగు యువత గురించి సినిమాలో ప్రస్తావించడమే కాకుండా అమెరికా అధ్యక్షుడు ట్రంప్ ను ఈ సినిమాలో వాడటం అనేది ఓ డేరింగ్ స్టెప్. ఇలాంటి సెన్సిటివ్ కంటెంట్ తో ఓ హిలేరియస్ ఎంటర్టైనర్ అందించడంలో ‘గాయపడ్డ సింహం’ టీమ్ సక్సెస్ అయ్యింది. ఏమాత్రం సంకోచించకుండా ఈ వీకెండ్ కి హ్యాపీగా థియేటర్లలో ఎంజాయ్ చేయదగ్గ సినిమా అనడంలో సందేహం లేదు.

ఫోకస్ పాయింట్: అలరించిన సింహం

రేటింగ్: 3/5