తమిళ కథానాయకుడు సూర్యకి తెలుగులో అదే స్థాయి మార్కెట్ ఉంది. విభిన్నమైన కథలను ఎంచుకోవడంతోపాటు.. వైవిధ్యమైన పాత్రలు పోషించడమే సూర్యకు తెలుగులోనూ విశేషమైన అభిమాన గణం క్రియేట్ అవ్వడానికి ముఖ్యకారణం. అలాంటి సూర్య దగ్గర నుంచి ఏదైనా కొత్త సినిమానే ఎక్స్ పెక్ట్ చేస్తారు ఆడియన్స్. కానీ.. సూర్య మాత్రం సింపుల్ గా రీమేక్ చేస్తున్నాడు. హిందీలో ఘన విజయం సొంతం చేసుకొన్న “స్పెషల్ 26” చిత్రాన్ని తమిళంలో రీమేక్ చేస్తున్న సూర్య, ఆ చిత్రాన్ని తెలుగులో “గ్యాంగ్” అనే పేరుతో డబ్బింగ్ చిత్రంగా విడుదల చేస్తున్నాడు.
సూర్య సరసన కీర్తి సురేష్ కథానాయికగా నటిస్తున్న ఈ చిత్రానికి నయనతార బోయ్ ఫ్రెండ్ విగ్నేష్ శివన్ దర్శకత్వం వహిస్తున్నాడు. సంక్రాంతి కానుకగా జనవరి 12న విడుదలవుతున్న ఈ చిత్రం తెలుగులోనూ అదే రోజున రిలీజవుతోంది. బాలకృష్ణ “జై సింహా”, పవన్ కళ్యాణ్ “అజ్ణాతవాసి” కూడా అదే వారంలో విడుదలవుతుండడంతో ఈ ముగ్గురు స్టార్ హీరోస్ లో విజయం ఎవరిది అనే విషయంలో కాస్త టెన్షన్ చోటు చేసుకొనే అవకాశాలున్నాయి.
