బిగ్‌బాస్‌ నాలుగో సీజన్‌లో బెస్ట్‌ అట్రాక్షన్‌ గంగవ్వ. షో మొదలైనప్పటి నుంచి చూసిన ప్రతి ఒక్కరూ చెప్పే మాట ఇది. 60 సంవత్సరాల పడుచుపిల్లలాగా అదరగొట్టేసింది. అయితే గత వారంగా ఆమె పరిస్థితి మారిపోయింది. చిన్న చిన్న ఆరోగ్య సమస్యలతో ఇబ్బంది పడుతూ వచ్చింది. అదే విషయాన్ని గంగవ్వ ఈ రోజు నాగార్జునతో చెప్పింది. మరోవైపు వైద్యుల రిపోర్ట్స్‌ కూడా ఆమె ఇబ్బంది పడుతోందని చెప్పాయి.
వీకెండ్‌ ఎపిసోడ్‌లో భాగంగా నాగార్జున ఈ రోజు గంగవ్వను బయటకు తీసుకొచ్చేశారు. గంగవ్వను కన్ఫెషన్‌ రూమ్‌లోకి తీసుకొచ్చి మాట్లాడాడు. ఆరోగ్యం గురించి అడిగి తెలుసుకున్నాడు. ఇన్నాళ్లూ బాగా ఆడావని కూడా చెప్పాడు. ఆఖరిగా బిగ్‌ బాస్‌ నుంచి పర్మిషన్‌ తీసుకొని గంగవ్వను బయటకు తీసుకొచ్చేశారు. గంగవ్వ ఇంటి నుంచి బయటకు వచ్చినప్పుడు అందరితో సరదాగా మాట్లాడుకుంటూ వచ్చింది.
వస్తూ వస్తూ జింక బొమ్మను ముద్దుపెట్టుకునే విధానం, అందరినీ దీవించిన విధానం సూపర్‌ అసలు. బయటకు రండి అందరికీ వండి పెడతానంటూ ప్రేమగా చెప్పింది గంగవ్వ. ఆఖరులో బిగ్‌బాస్‌ ఇంటిలో ఆమె జర్నీని చూపించారు. అందులో గంగవ్వను చూస్తుంటే అమె ఎంతగా మురిసిందో, బయట చూసిన నాగార్జున, ప్రేక్షకులు కూడా ఎంజాయ్‌ చేశారు.
