Naatu Naatu: కవలలకు కూడా అది సాధ్యం కాదేమో… గరికపాటి కామెంట్స్ వైరల్!

ప్రస్తుతం ప్రపంచవ్యాప్తంగా ఎక్కడ చూసినా మనకు నాటు నాటు పాట వినపడుతుంది. rrr సినిమాలోని ఈ పాట ప్రపంచవ్యాప్తంగా ఎంతో మంచి ఆదరణ సంపాదించుకొని ఏకంగా ఆస్కార్ అవార్డు నామినేషన్ లో నిలిచిన విషయం మనకు తెలిసిందే. ఇలా ఆస్కార్ నామినేషన్ లో ఉన్నటువంటి పాట తప్పకుండా ఆస్కార్ గెలుస్తుందని ప్రతి ఒక్క భారతీయుడు ఆశాభావం వ్యక్తం చేస్తున్నారు. ఇలా ఈ పాట గురించి ఇప్పటికే ఎంతో మంది ప్రముఖులు స్పందించిన విషయం మనకు తెలిసిందే.

నాటు నాటు పాట విషయంపై సద్గురు సైతం స్పందించారు. ఈ క్రమంలోనే ప్రముఖ ప్రవచనకర్త గరికపాటి నరసింహారావు కూడా తాజాగా నాటు నాటు పాట గురించి మాట్లాడుతూ తన అభిప్రాయాన్ని తెలియజేశారు. ఈ సందర్భంగా ఈయన మాట్లాడుతూ ప్రపంచం మొత్తం నాటు నాటు పాట గురించి మాట్లాడుతున్నారు అసలు ఈ పాట ఇంత ఆదరణ సంపాదించడానికి కారణం ఏంటి అని ఆలోచించాను. ఈ పాటకు ఈ ఆదరణ రావడానికి కారణం ఏంటో తెలుసుకోవాలని తాను కూడా ఈ పాట చూశాను.

ఇలా ఈ పాట చూసిన తర్వాత ఎందుకు ఈ పాటకు ఇంత ఆదరణ వచ్చిందో అర్థమైందని తెలిపారు. అచ్చమైన తెలుగు పదాలను ఉపయోగిస్తూ ఒక్క ఇంగ్లీష్ ముక్క కూడా లేకుండా ఈ పాటను ఎంతో అద్భుతంగా రాయడం,అందుకు తగ్గ మ్యూజిక్ అందించడమే కాకుండా ఈ పాటకు అద్భుతమైన డాన్స్ పెర్ఫార్మెన్స్ చేయడం వల్లే ఇంత మంచి ఆదరణ వచ్చిందని అర్థమైందని తెలిపారు. ఇలా ఈ పాట ఇంత సక్సెస్ అవ్వడానికి కారణమైనటువంటి ప్రతి ఒక్కరికి ఈయన అభినందనలు తెలియజేశారు.

ఇక ఈ పాటలో ఎన్టీఆర్ రామ్ చరణ్ డాన్స్ పర్ఫామెన్స్ పై గరికపాటి స్పందించారు. వీరిద్దరూ ఏ మాత్రం తేడా లేకుండా ఒకే విధంగా డాన్స్ చేశారని బహుశా కవలలు కూడా అలా చేయలేరేమో అంటూ కామెంట్లు చేశారు. ఇలా వేరువేరు కుటుంబంలో జన్మించినటువంటి ఈ మహానటుల అటువంటి నటన చేశారు అంటే నా కన్నా చిన్నవారైనా వారిద్దరికీ నేను నమస్కారం చేస్తున్నాను అంటూ ఈయన వెల్లడించారు. అలాగే ఇంత అద్భుతమైన పాటకు తప్పకుండా ఆస్కార్ రావాలని ప్రతి ఒక్కరు ప్రార్థించాలని ఈయన కోరారు.

ఫస్ట్‌డే కోట్లాది రూపాయల కలెక్షన్స్ కొల్లగొట్టిన 10 మంది ఇండియన్ హీరోలు వీళ్లే..!
ఆరడగులు, అంతకంటే హైట్ ఉన్న 10 మంది స్టార్స్ వీళ్లే..!

స్టార్స్ కి ఫాన్స్ గా… కనిపించిన 11 మంది స్టార్లు వీళ్ళే
ట్విట్టర్ టాప్ టెన్ ట్రెండింగ్‌లో ఉన్న పదిమంది సౌత్ హీరోలు వీళ్లే..!