Jana Nayagan: ‘జన నాయగన్’ కి ఇదే మంచి టైమ్

కాలం కలిసిరావాలే కానీ.. మనకున్న అతిపెద్ద ప్రతికూలత కూడా వరంగా మారుతుంది. సరిగ్గా దళపతి విజయ్ కొత్త సినిమా ‘జన నాయగన్'(Jana Nayagan) విషయంలో ఇదే జరిగింది.

Jana Nayagan

ఏయే కారణాలైతే ఈ సినిమాకి శాపంగా మారతాయని మేకర్స్ టెన్షన్ పడ్డారో.. అవే ఇప్పుడు వాళ్ల పాలిట పెద్ద ప్లస్ అయ్యాయి.వాస్తవానికి సంక్రాంతి బరిలో దిగాల్సిన ఈ చిత్రం పలు అడ్డంకులు ఎదుర్కొంది.

కనీసం ఎన్నికల ముందైనా విడుదల చేస్తే రాజకీయంగా లాభం చేకూరుతుందని భావించారు. కానీ అదీ జరగలేదు. పైగా కొన్ని దృశ్యాలు లీక్ అవ్వడం, విడుదల పదే పదే ఆలస్యం కావడంతో.. ఓటీటీ సంస్థలు సైతం తమ ఒప్పందాలను వెనక్కి తీసుకునే స్థాయికి వెళ్లాయి. వరుస దెబ్బలతో ఈ సినిమా అటకెక్కినట్టే అని అభిమానులు కూడా ఓ అంచనాకు వచ్చేశారు.కానీ ఇప్పుడు పరిస్థితులు పూర్తిగా మారిపోయాయి.

తమిళనాడు రాజకీయాల్లో విజయ్ భారీ విజయాన్ని సొంతం చేసుకున్నాడు. ఏకంగా సీఎం పీఠాన్ని దక్కించుకోబోతున్నాడు. ఈ ఒక్క విజయంతో ‘జన నాయగన్’ సినిమా లెక్కలన్నీ తారుమారయ్యాయి.ముఖ్యమంత్రి అయ్యాక థియేటర్లలోకి వస్తున్న తొలి మూవీ కావడంతో.. దీనిపై అమాంతం క్రేజ్ పెరిగిపోయింది. ఇక బాక్సాఫీస్ దగ్గర సినిమా టాక్‌తో సంబంధం లేకుండా కలెక్షన్ల వర్షం కురవడం పక్కా అని విశ్లేషకులు చెబుతున్నారు.

భారీగా నష్టాలు తప్పవని టెన్షన్ పడిన కె.వి.ఎన్ (KVN) నిర్మాణ సంస్థ.. ఇప్పుడు జాక్‌పాట్ తగిలినంత సంబరాల్లో ఉంది.ఇకపోతే, ఈ సినిమా మన తెలుగు సూపర్ హిట్ ‘భగవంత్ కేసరి’కి రీమేక్‌గా తెరకెక్కింది. ముందుగా ఈ చిత్రానికి దర్శకత్వం వహించే అవకాశం అనిల్ రావిపూడికి దక్కింది. కానీ ఆయన ‘మన శంకర వర ప్రసాద్ గారు’ సినిమా పనుల వల్ల ఆ ఛాన్స్ వదులుకున్నాడు. ఒకవేళ ఆరోజు కనుక ఈ ఆఫర్ ఒప్పుకుని ఉంటే.. ఈరోజు తమిళనాట అనిల్ రావిపూడి పేరు ఓ రేంజ్‌లో మార్మోగిపోయేదేమో.

సీనియర్ స్టార్ నిర్మాత ఆర్.బి.చౌదరి మృతి