Telugu Cinema : చేసిన సినిమాల కంటే రూమర్స్ తోనే ఫుల్ క్రేజ్ సంపాదించిన ముద్దుగుమ్మ..ఎవరంటే..?

టాలీవుడ్ నుంచి బాలీవుడ్ వరకు ఫుల్ క్రేజ్ సంపాదించుకున్న హీరోయిన్ మృణాల్ ఠాకూర్. మొదట టెలివిజన్ రంగంలో కెరీర్ ప్రారంభించి, ఆపై మరాఠీ సినిమాల ద్వారా వెండితెరకు పరిచయమైన ఈ భామ. హిందీలో వరుస అవకాశాలు అందుకుంటూ నెమ్మదిగా స్టార్ హీరోయిన్ స్థాయికి చేరుకుంది. కానీ తెలుగు ప్రేక్షకులకు మాత్రం ఆమె పేరు బలంగా గుర్తుండిపోయింది ఒకే ఒక్క సినిమాతో అదే ‘సీతారామం’. ఆ చిత్రంలో సీతగా ఆమె చేసిన పాత్రకు వచ్చిన స్పందన అంతా ఇంతా కాదు. హను రాఘవపూడి దర్శకత్వంలో, దుల్కర్ సల్మాన్ సరసన నటించిన ఈ చిత్రం మృణాల్‌కు తెలుగులో ఎవర్ గ్రీన్ ఆరంభంగా మారింది. తొలి సినిమాతోనే భారీ విజయాన్ని అందుకొని, తెలుగు ప్రేక్షకుల హృదయాల్లో ప్రత్యేక స్థానం సంపాదించుకుంది.

Telugu Cinema

ఆ తర్వాత నాచురల్ స్టార్ నానితో తో కలిసి నటించిన ‘హాయ్ నాన్న’ చిత్రంలోనూ ఆమె నటనకు మంచి మార్కులే పడ్డాయి. కుటుంబ భావోద్వేగాలతో కూడిన ఈ చిత్రంలో మృణాల్ పాత్ర మరోసారి ప్రేక్షకులను ఆకట్టుకుంది. అయితే రౌడీ బాయ్ విజయ్ తో చేసిన ‘ఫ్యామిలీ స్టార్’ ఆశించిన స్థాయిలో సక్సెస్ ఇవ్వలేకపోయింది. ప్రస్తుతం ఆమె అడివిశేష్ తో కలిసి ‘డెకాయిట్’ చిత్రంలో నటిస్తోంది.

అయితే సినిమాల కంటే మృణాల్ పేరు ఎక్కువగా వినిపించేది రూమర్ల వల్లనే అన్న మాట ఇండస్ట్రీలో బలంగా వినిపిస్తోంది. గతంలో తమిళ్ హీరో ధనుష్ తో ఆమె పెళ్లి అంటూ వార్తలు హల్‌చల్ చేశాయి. దానిపై స్పందిస్తూ ధనుష్ తన అన్న లాంటి వాడు అనటంతో ఆ రూమర్ కి ఫుల్ స్టాప్ పడింది. తాజాగా బాలీవుడ్ యంగ్ హీరో సిద్దార్థ్ చతుర్వేదితో రిలేషన్ టాక్ సోషల్ మీడియాలో వైరల్ అవుతోంది. ఇవి నిజమా? లేక ప్రమోషన్‌లో భాగమా? అన్నది ఇంకా క్లారిటీ రావాల్సిందే. ఏది ఏమైనా.. సినిమాలు తక్కువైనా, వార్తల్లో మాత్రం మృణాల్ పేరు మాత్రం ఎప్పుడూ ముందే ఉంది.

Balayya : బాలయ్య వెంటపడుతున్న యంగ్ డైరెక్టర్లు..!